ربنا عارف اللي ف نفسك،،،
أصله أحن عليك من نفسك ❤

عايز بس اقولك شكراً إنك قابلني حتي في وقت اللي مش ببقي قابل فيه نفسي .
شكرآ انك دايمآ بتحضني وقت ما بحس اني لوحدي .
شكرآ انك موجود وقت ما الكل بيسبني و يمشي .
شكرآ لأنك دايمآ " حاببني " رغم كل اخطائي. 
شكرآ ان عمرك ما حسستني إني تقيل عليك ، حتي وانا في أصعب و أضعف حالاتي. 
شكرآ علي كل مره قولتلي فيها "لا" في حاجه كانت هتأذيني و انا مش فاهم ليه .
شكرآ اني بعدها عرفت ان كلمه "أيوه " كانت هاتضيع حياتي .
شكرآ علشان كل مرة عديت في ضيق و حزن بتخليني اكون كويس من جديد .
شكرآ علشان كل مره عديت في ظروف صعبة كانت إيدك واضحة فيها معايا .
شكرآ علشان كل مرة بقول فيها انا تعبت بتبعتلي قوة ، تخليني ارجع اقوي من الاول .
شكرآ علشان كل مرة قولت انا مش قادر استحمل كل اللي بيحصلي ، بتسيب كل حاجه و تجي تتطمني انك معايا و جمبي و تشيل معايا و تقولي هنعدي كل دا سوا ، و انا مُكنتش فاهم اشمعني انا و ليه ابقي في الظروف دي بس دلوقتي فهمت .
شكرآ انك مستجبتيش في حاجات كتير انقذتني منها .
أشكرك لأنك مش بتطاوعني في رغباتي و أحلامي كلها و فهمت انك كنت خايف عليا و عايز مصلحتي .
أشكرك علي كل علاقه غلط موتها و كل عكاز من إبليس كسرته و كل "طريق كان هلاك ليا " قفلته .
شكرآ انك بتعلمني ازاي أتقبل مشاكل العالم كل يوم زياده عن اليوم اللي قبله .
شكرآ علشان وقت ما العالم كله رافضني انت " أحببتني حتي الموت "
أشكرك علي كل للحظة " تأدبني و لم تسلمني للموت ، عشان بس تكبرني. 
شكرآ انك موجود ❤️.

لكن إن جيت للحق أنا ربنا ماسابنيش ولا ثانية ..

عايز تحس بالقداس وتستفاد منه وتستمتع بيه مش مجرد تأدية واجب وخلاص.....اقرا البوست ده

حاجة فوق الروعة والوصف😍🙈🙈
. ✋ اشغل دقيقة واحده من وقتك ؛
واقرأ وأستمتع وعيش 👇👇

القداس إلى بتكون فيه السماء مفتوحة على الأرض..
وبيكون الكل واحد..
الذي ثبت قيام صفوف غير المستجدين (الملايكة) في البشر (إلى هوا احنا)🙈😃

يعني بيكون صف بشر وصف ملايكة وهكذا لحد اخر الكنيسة.. يعني أكبر فرصة أقدم فيها كل الي عندي لربنا.. 😇❤

1_لو مش بتقرا إنجيل ونفسك تسمع كلمة ربنا..
روح القداس وهتسمع الإنجيل والبولس والكاثيلكون والابركسيس وكمان السنسكار..
هتشبع اهو بكلمة ربنا من كله.. بس ركز ✋😍

2_لو انت فرحان وحاسس أن ربنا اداك حاجة كتير ..
حلو خالص..
هتروح تقله فلنشكر صانع الخيرات...
شكرا على كل دا الي انا مستاهلوش 😄

3_لو معاك حد مضايق منه أو العكس..
تاخده معاك القداس وتستني عند قبلو بعضكم..
وتروحله مخصوص تقله سامحني..
هتبقا كبيره في نظره جدا ولو مسامحكش هيضطر يسامحك عشان خاطر ربنا بس..
ولو انت الي مضايق التسامح والمغفره هتلاقيها جاتلك لوحدها.. 👌❤

4_لو حاسس قلبك مشغول وبعيد عن ربنا..
استنى حتة اين هيا الان قلوبكم..
وقله خد قلبي معاك..
صلحه وشيل منه كل العيوب أملاه بيك لو سمحت..
وفعلا هتطلع من القداس واخد قلب جديد..
تخيل بقا كل قداس تحضره تطلع بقلب جديد ❤❤

5_لو نفسك تشوف السماء..
هيوصفلك السماء ويقلك الذي يقف حوله الملائكة ورؤساء الملائكة والشاوربيم والسرافيم وكل الطغمات السمائية هتتوصفلك وانت قاعد🙈😍

6_لو نفسك تسبح ربنا ومش عارف..
حلو خالص اهو لحد عندك..
إبداء سبح بقا قدوس قدوس انت ايها الرب وقدوس في كل شئ.. 😇😇

7_لو محتاج الروح القدس يشتغل جواك اكتر..
استنى لحظة حلول الروح القدس..
واطلب من ربنا يخليها تشتغل ومتنطفيش✋

8_لو نفسك تصلي لكنيستك والبابا والاسقف وعيتلك وكل الناس الي حواليك ..
استنى الاواشي واطلب إلى انت عايزه منه.. 😄

9_لو مضايق وحاسس بخنقة..
استنى حتة إملاء قلوبنا فرحا ونعيما..
وارشم على قلبك صليب صغير..
وقله قلبي معاك شيل منه كل الوجع والضيق 😞

10_لو نفسك في حد يتشفعلك في السماء...
يبدأ المجمع ابونا يذكر كل القديسين..
قلهم بقا انت اطلبوا من ربنا عشان خاطري يسامحني وانتو كمان كلكم خليكم معانا دايما 😇❤

11_لو وحشك حد قريبك مات وزعلان عليه..
استنى الترحيم وقول اسمه في سرك..
وقوله زي ما خدت فلان عندك يارب ابعتلي تعزية من عندك.. وفعلا هتحس بفرق ✋

12_لو حاسس انك مش هتدخل السماء وقلقان..
استنى حتة اهدنا إلى ملكوتك..
قله عارف اني مستاهلش بس بطلب منك اهو تسمحلي اعيش معاك... ❤

13_لو مش حاسس بحب ربنا استنى القسمة..
وبص عليه شوف هوا بيحصله ايه عشانك..
كل دا عشانك انت صدقني 💔

14_لو ايمانك اتهز شوية وحاسس انه ضعف..
استنى الاعتراف أؤمن أؤمن أن هذا هوا بالحقيقة امين.. ✋

15_اجمع بقا كل الطلبات دي في قلبك واستني عند يا ملاك هذه الذبيحة..
قله استنى عشان خاطري خد الحاجات دي معاك ل ربنا 👆❤

من الاخر القداس حل لمشاكل كتير.👍👍..
علاقة حب متتوصفش❤.. حاجة فوق الخيال🙈..
تفاصيله حلوه جدا..
احساس الكنيسة مع صوت ابونا والشعب يصلي وراه مع صوت العصافير وشروق الشمس😂...
حاجة حلوه جدا😍..
استمتع بالقداس حتة حتة متفوتش ولا حرف فيه..
صدقني دا اول خطوه نبدأ فيها مع ربنا .🙏🏻

يارب انا عارف اني مقصر معاك😔وعارف ومتاكد انك دايما معايا وواقف جنبي❤️
يارب قربني منك وعلقني فيك🙏مش عايز مشاغل الدنيا تلهيني عنك مش عايز اضيع وقتي في تفاهات علي الأرض🤦‍♂️واتفاجئ في يوم اني مش هبقي معاك💔خليني اشوفك علي الأرض مش كفاية اللي ضاع من عمري وانا بعيد عنك💔
قربني منك حسسني بوجودك ووقتها كل حاجة هتبقي تمام وفي احسن حال👌🙏

أعطي طمأنينة لكل العالم .. 🌍✨️️♥️

ربنا مش هيسيبك فى ضعفك لوحدك اطمن هيقويك ويديك القدرة انك تعدي ضيقتك
انت مش ضعيف انت ابن الملك 💪💪👑