الاية بتقول " ما ابعد احكامه عن الفحص وطرقه عن الاستقصاء " .. 😇
محدش هيعرف يفهم ليه ربنا بيعمل كده معانا لو فجأة لقينا الواقع اتقلب🙁 ..
بس في اية تانية وضحت وقالت ..
" كل الاشياء تعمل معاً للخير للذين يحبون الله " ❤
دي الثقة سيبها تقلب تعدل يارب بس احنا بنحبك وبنشكرك 😘🌸
وان معوضتناش عن الارض تعوضنا ف السما عن شكرنا وسط الضيقة 💟
حب ربنا هو تعويضك الحقيقي صدقني مش الشغل ولا الكلية ولا انا هفرح امتي ولا كل دااا 🌸
ومتنساش الاية اللي بتقول ..
" يعطي المطر المبكر والمتاخر في اوانه " 🌸💟
حتي لو مطرك متأخر استناه كله هتاخده ف وقته❤🌸
افرح عشان حزنك ووجعك غاليين اوي علي قلب الرب 💐🌸❤

يالله … من مثلك ♥️♥️♥️♥️✨

أنا محتاجه ربنا جداً..
- محتاجه علشان محتاجه سند وضهر مابيمشيش،
ولا بيتخلي ولا بيبعد ابداً..
- محتاجه علشان محتاجه حُب ثابت عمره مايتغير،
اتعكز عليها لما اتباع من الكل..
- محتاجه علشان هو الوحيد اللي فاهم
حقيقة اللي بمر بيه، من غير ماتكلم..
- محتاجه علشان هو اللي بيسهل عليا
كل صعب في الحياة..
- محتاجه علشان محتاجه رأي كلي العلم كاشف المستقبل،
وارشاده وحكمته في كل قراراتي..
- محتاجه أول لما افتح عيني، يطمني من طاحونة
الأفكار اللي كانت شغالة طول الليل..
- محتاجه يديني نعمة في عيون اللي بتعامل معاهم
في شغلي وبره شغلي
- محتاجه يسهل عليا الحاجات اللي دمها تقيل
ولازم تتعمل في يومي!
- محتاجه يديني تركيز وانجاز ونجاح في اللي بعمله..
- محتاجه علشان محتاج شخص يطبطب،
ويشجع ويقومني بعد كل كَسرة..
- محتاجه يهون عليا قعدة مجبر عليها..
- محتاجه وانا حاسس اني خايف، زهقان،
متردد، حزين، حيران
- محتاجه وأنا داخل أي مشروع جديد..
- محتاجه يهون عليا وضع صعب مش قادر اتحمله..
- محتاجه علشان جوايا فراغ مايتمليش غير بيه..

حرفيًا أنا محتاجه ربنا في كل صغيرة وكبيرة ف حياتي
بستغرب نفسي أني مدركه مقدار إحتياجي ليه..
وبقرر أوقات ابعد عنه! وأخسر كل ده بإرادتي!
وأصعب الحياة على نفسي ببعدي عنه!
ساعدني أحبك وأعيشلك

عارف انها داقت وإنك ع اخرك وساعات كدة بتقفل وتحس انها النهاية
جايز بتوصلك الرسايل وبتعدى عليك مجرد نسمة هوا ف يوم حر جدآ وتروح لحالها
بس لحد إمتى هتفضل شايل الدنيا ع دماغك وهى متساويش جناح بعوضة
متسيب اللى يتكلم يتكلم واللى يظلم يظلم واللى يكسر خواطر يكسر
كله مردود صدقني وربنا كبير
..ببساطة ربنا قادر ع حلها بس عاوزة صبر ورجاء وثقه في وف كرم ربنا
والتعويضات جايه وربنا مش هيسيبك لوحدك وخليك واثق إن الكلام ده والرسايل اللى زيه لو ربنا مكنش عاوزك تقراهم كان بعدهم عنك بس هما وصلولك وقرتهم متعديهمش كدة بقى واضحك بقى ياصديقي وماتشلش هم ربنا حنين اوي وبيحبك❤️
صباحك جميل شبهك😍

عايز تحس بالقداس وتستفاد منه وتستمتع بيه مش مجرد تأدية واجب وخلاص .. اقرا البوست ده
واقرأ وأستمتع وعيش 👇👇
القداس إلى بتكون فيه السماء مفتوحة على الأرض ..
وبيكون الكل واحد ..
الذي ثبت قيام صفوف غير المتجسدين ( الملايكة ) في البشر ( إلى هوا احنا )🙈😃
يعني بيكون صف بشر وصف ملايكة وهكذا لحد اخر الكنيسة .. يعني أكبر فرصة أقدم فيها كل الي عندي لربنا .. 🤲🥺♥️
لو مش بتقرا إنجيل ونفسك تسمع كلمة ربنا ..
روح القداس وهتسمع البولس والكاثوليكون والابركسيس وكمان السنكسار .. والإنجيل
هتشبع اهو بكلمة ربنا من كله ..
لو حاسس قلبك مشغول وبعيد عن ربنا ..
استنى حتة ( اين هي قلوبكم ..)
وقوله خد قلبي معاك 🤲🥺..
صلحه وشيل منه كل العيوب أملاه بيك لو سمحت ..
وفعلا هتطلع من القداس وانت واخد قلب جديد ..
تخيل بقا كل قداس تحضره تطلع بقلب جديد🥰♥️
لو نفسك تشوف السماء ..
هيوصفلك السماء ويقولك الذي يقف حوله الملائكة ورؤساء الملائكة والشاوربيم والسرافيم وكل الطغمات السمائية هتتوصفلك وانت قاعد
لو محتاج الروح القدس يشتغل جواك اكتر ..
استنى لحظة حلول الروح القدس ..
واطلب من ربنا يخليها تشتغل ومتنطفيش🕊🤲
. لو حاسس انك مش هتدخل السماء وقلقان ..
استنى حتة( و اهدنا إلى ملكوتك ..)
قوله عارف اني مستاهلش بس بطلب منك اهو تسمحلي اعيش معاك 🤲♥️..
من الاخر القداس حل لمشاكل كتير ..
علاقة حب ماتتوصفش ♥️.. حاجة فوق الخيال ..
تفاصيله حلوه جدا 🥰..
احساس الكنيسة مع صوت ابونا والشعب يصلي وراه مع صوت العصافير وشروق الشمس ..
حاجة حلوه جدا😍 ..
استمتع بالقداس حتة حتة ماتفوتش ولا حرف فيه ..
صدقني دا اول خطوه نبدأ فيها مع ربنا ♥️