*26/9/2025.*
*عشية عيد الصليب* ✨
*الصليب هو سلاحنا: الصليب هو رجاؤنا: الصليب هو ثباتنا: في ضيقاتنا و شدائدنا.* ❤️✝️

وإلهك الذي يرى تحملك وصبرك في الخفاء..
يعوضك علانية ويكون عوضك عظيماً..♥️"

سنكسار 1741 أبيب 15
1 – نياحة القديس مار أفرام السرياني.
اليوم الخامس عشر من شهر أبيب المبارك
1 – في مثل هذا اليوم من سنة 95 للشهداء ( 379م ) تنيَّح القديس مار أفرام السرياني. وُلِدَ هذا القديس سنة 306م في مدينة نصيبين من أبوين مسيحيين، فربياه تربية فاضلة، تتلمذ في شبابه للقديس يعقوب أسقف نصيبين ومكث معه مدة نما فيها في العلم والفضيلة. وكان القديس يعقوب قد اصطحبه في مجمع نيقية المسكوني الأول، وقد تعرض القديس مار أفرام لتجارب كثيرة، فكان مثال الاحتمال والوداعة. ولما استولى الفرس على مدينة نصيبين تركها مار أفرام واستقر في الرها، حيث التحق بعمل متواضع ليعيش منه، وكان يقضى أغلب وقته في القراءة والكتابة وتبشير الوثنيين. وبعد قليل ترك المدينة والتصق بأحد المتوحدين في جبل الرها وعكف في وحدته على ملازمة الصوم والصلاة ودراسة الكتاب المقدس وكتابة التفاسير العميقة لبعض أسفاره. وبناء على رؤيا سمائية نزل إلى مدينة الرها وكان يعظ أهلها ويعلمهم، فأمسكه رؤساء المدينة وأوسعوه ضرباً وإهانة. وعلى إثر ذلك رجع إلى مغارته وكرس نفسه للكتابة، فتجمع حوله كثيرون صار هو لهم أباً ومرشداً. وحدث أنه رأى في خلوته عموداً من نور يصل إلى السماء وسمع صوتاً يقول له كما ترى عمود النور هذا هكذا باسيليوس العظيم. فقام وذهب إلى قيصرية الكبادوك ليراه، وهناك تقابلا ومكث عنده نحو أسبوعين، حيث أراد أن يرسمه قساً فرفض فأعطاه رتبة الشماسية.
زار مار أفرام برية شيهيت الشهيرة برهبانها ومعلميها الحاذقين أمثال الأنبا بيشوي والأنبا يحنس القصير وقضى بينهم حوالي ثماني سنوات (مازال أثره باقياً حتى الآن في برية شيهيت وهو شجرة مار أفرام السرياني الموجودة بدير السريان العامر وهي من نوع التمر هندي، كما يوجد أيضاً جزء من رفاته في أنبوبة القديسين بالدير)، ثم رجع إلى بلاده حيث أصبح من أشهر معلمي الكنيسة السريانية ومن أعظم أدباء السريان وله كتابات وأشعار روحية كثيرة وميامر متعددة.
وفي مغارته بجبل الرها أكمل سعيه الصالح وتنيَّح بسلام سنة 379م.
بركة صلواته فلتكن معنا. آمين.

موجوع يارب بقالي مده وخايف احكي
وم الوجع مبقتش بتكلم ولا اشكي
عايش لكني كأني ميـ*ــت من زمان
طبطب عليا يارب سيبني ف حضنك ابكي

*هناك قلوب جميلة تلتقى بها مرة،*
*تتعلق بها للأبد.*
*(البابا تواضروس الثاني)* ❤️🥰

من أقوال الأنبا شنودة رئيس المتوحدين - قديس اليوم

📖 "الَّذِي يَغْفِرُ جَمِيعَ ذُنُوبِكِ. الَّذِي يَشْفِي كُلَّ أَمْرَاضِكِ" (مزمور ١٠٣: ٣)

✝️ أوقات بنفتكر إن المرض اللي محتاج شفاء هو بس اللي بيصيب الجسد... صداع، سخونية، أو تعب في القلب.
لكن فيه مرض أعمق بكتير، بيوجع من جوه... اسمه الخطيّة.
وجرح النفس عمره ما بيتعالج بمراهم أو أدوية، الجرح ده محتاج كلمة من فم المسيح،
محتاج "قوم، مغفورة ليك خطاياك" 🙏

الطبيب بيعرف يداوي الجسد... يكتب روشتة، يدّي علاج، ويقولنا "ارتاح وهتبقى كويس".
لكن يسوع بكلمة وحدة، يلمس قلبك ويشفيه،
يعدّي على وجعك ويطمنك،
يغفر ذنبك... وساعتها بتحس إنك اتولدت من جديد.

🕊️ المغفرة هي العلاج الحقيقي...
ولما القلب يرتاح ويتطهر، حتى الجسد بيحس بالشفا.

فيا رب، إديني أجيلك مش بس وقت التعب الجسدي،
لكن كمان وقت ما تكون نفسي موجوعة،
وقوللي بكلمتك:
"مغفورة ليك خطاياك... شُفِيت" 🤍

النهارده عيد الرسل، عيد رجالة مشوا مع المسيح لحد الآخر. مش مجرد سمعوا وعظات… دول عاشوا معاه، أكلوا معاه، خافوا معاه، اتوجعوا معاه، وشافوا نور قيامته بيشق ظلمة العالم.

إيمان الرسل ماكانش إيمان سهل. ماكانش إيمان نظري. دا كان إيمان جاي من علاقة، من عشرة، من حب خلّى كل واحد فيهم يسيب دنيته ويمشي ورا صوت واحد بس: “اتبعني”

يعني إيه دا لينا النهارده؟
يعني إيمانك مش امتحان معلومات دينية ولا مجرد حضور اجتماعات. إيمانك علاقة. قلبك رايح فين؟ رجلك ماشية ورا مين؟ مين اللي واخد أمانك، ومين اللي واخد وقتك؟

بطرس الرسول اللي أنكر المسيح ٣ مرات قدام جارية صغيرة… هو نفسه اللي وقف بعدها قدام اليهود والولاة وقال:
“ينبغي أن يُطاع الله أكثر من الناس”
وفي الآخر اتصَلَب. وطلب يتصلب منكس الرأس، لأنه مااعتبرش نفسه مستحق يموت زي سيده.

بولس الرسول؟ دا اللي كان بيطارد الكنيسة… بعد ما المسيح لمس قلبه في الطريق لدمشق، ماعرفش يقعد ساكت. لف بلاد، اتجلد، اتسجن، اتغرق، وفي الآخر اّتقطِع رأسه لأنه رفض ينكر اسمه.

الشباب النهارده مش محتاج وعظات أكتر. محتاج يشوف ناس حقيقية، زي الرسل، عندها حاجة حقيقية تعيش وتموت علشانها.
محتاجين نرجع نسأل نفسنا: إيماننا بيغيّرنا فعلاً؟ ولا بنحضر ونجامل ونرجع نكمل حياتنا كأن ماحصلش حاجة؟

عيد الرسل مش ذكرى تاريخية. دا دعوة ليك وليّ النهارده:
تكون رسول في مكانك، في شغلك، في جامعتك، وسط أصحابك.
تكون شاهد، حتى لو تخسر شوية راحة، شوية قبول، شوية شعبية.
تبقى واحد الناس تشوف فيك ملامح المسيح اللي اتعرفوا عليه زمان من وشوش الرسل.

*بمناسبة عيد الرسل..*
*كل سنة وانتم طيبين و بخير* ♥️✨
*هو عيد لكل واحد مكنش ينفع* *وربنا قاله هشتغل بيك* 🥹😔

بِهِ يُنْتَهَى إِلَى النَّجَاحِ، وَبِكَلِمَتِهِ يَقُومُ الْجَمِيعُ.
عمرها ما كانت بمجهودي دايما بكرمك ❤🙏
4 امتياز و 2 جيد جدا 🥳❤
Up level to 4 🥺❤
خريجه الا سنه رسميا استنيني يا سنه رابعه جيالك بكل جهد فيا💪👩‍🎓
Senior 2026🙈❤😌

أبانا اللي في السما، في هدوء الليل
مش بس سامع.. ده حاسس،
شايف التعب في العيون،
والحمل اللي على القلب تقيل.
إسند اللي وقع من كتر ما حاول،
طبطب على اللي بيكتم الوجع جوا الضحك،
ريح اللي نفسه يهدى لحظة،
وفرّح اللي نسى طعم الفرح.
اشفي القلوب قبل الأجساد،
وجازي التعب اللي محدش شافه،
وعوّض، عوض بحبك،
اللي مفيش زيّه.