استعدوا لي أعظم اسبوع ف السنه كلها اسبوع الالام ❤️❤️
تشوف الناس و هي بترمي نفسها بلهفة كدة فحضن الكنيسة ف الايام الكبيرة دي ( رغم وحاشتنا )!!
تشوف اللي مابيجوش الكنيسة طول السنة جايين الاسبوع دا و مركزين و عايزين يقولوا كلام كتير لربنا

تحس الواحد فيهم واقف بيقول لربنا بص يارب انا كل اللي محتاجه مكان صغير ف السما...لو معرفتش طول السنة اكون زي الانبا انطونيوس و مارجرجس والناس دي
اديني اكون زي اللص اليمين و الحقني من اللي انا فيه ف اخر ثانية حتي...ف اخر صلاة...ف اخر لحن

لو معرفتش اصلي طول السنة بسبب الشغل و الظروف و الوقت و الدنيا...اديني اشبع منك كل يوم ف الاسبوع دا...كل ساعة...كل بصخة..كل طلبة

تشوف الناس مهما بعدوا عن ربنا بييجوا الايام دي و يترموا بكل وحشاتهم و مشاكلهم و ظروفهم و تعبهم جوا حضن الكنيسة
و الجميل...الكنيسة عارفة تخرج كل دول شبعانين!!

الاسبوع دا كل سنة بيثبت ان مهما روحت و جريت و جربت و انشغلت...مفيش ضمان ثابت ومريح زي الكنيسة و ربنا ♥️