ولو تسمح يابابا شنوده يامعلم مدي الأجيال تعلمني تكلمني انا جوايا الف سوال تقولي ازاي فتحت عنيك لقيت نفسك يتم الام لا ايد علي كتف بتطبطب ولا حضن في بكا بيضم
اكيد كان ليك صحاب قدك صحاب ياما تسمعهم كتير بيقولوا ياماما ودي الكلمه اللي من صغرك مبتقولهاش
دموعك يانظير كانت علي حاجه محستهاش ويمكن لما كنت تشوف زمان صدفه صوره مامتك متعرفهاش
ومع انك مؤكد اخدت ملامحها
نظير قولي قدرت بجد تسامحها علشان سابت ولد زيك قمر زيك غريبا عاش في الدنيا وبيعاني مالوش ولا ام تدعيله ولا علي كتفها تشكيله و وحداني قدرت ازاي تشوف ف يسوع حنان تاني؟
وعوض قلبك المجروح بحب كبير وكان لك ام مبتنساش وشال عنك ساعتها كتير غريبه بجد بدياتك عجيب يانظير ولو تسمح تقولي ازاي داريت قلبك في صحرا ودير وسبت الدنيا وما فيها هاجرت الزحمه ونسيتها وجاوبني ياابونا انطونيوس مافيش ولا واحده حبتها ولا اتحبيت وماحلمتش يكون ليك بيت كل الحاجات اللي انت عشت في حضنها ازاي بقي عنها اتخليت سبت اصحابك ناسك اهلك سبت الدنيا اللي بتندهلك سبت وشوش وقلوب وبيوت لما نويت أن تعيش قررت تموت ودفنت نظير في التوب الاسود وجريت لمغاره كده لواحدك ولا حد معاك الأرض كانها سما وبقيت انت ملاك وجريت لمغاره ولا حد معاك وبتكتب اشعار في حبيبك وتقوله اعمق الحب هواك والدنيا عشانك دي متسابه ولو تسمح تقولي ازاي ؟ياابوي القلب برئ خالص بقيت بابا حمامه وفارده جناحاتها ولاكن دنيتك غابه في عز ماكنت تتوجع علي عيالك ولا كنت تكره ولا تعادي في عز ماكنت تلقي الحرب جيالك تقول عادي ومش فارق وتتالم ماتتكلم وتجري بسرعه علي ديرك كما يعقوب وتتخانق مع سيدك يروح ماسك اوي ايدك فكل قلوبنا تتحطم وترجع تاني يوم م الدير فيتنقل لينا مقطم بتخاصم وبتسامح بتتعادي وبتسامح وكان الرب يوميا مع البابا فكان ناجح وحبب فيه جميع خلقه ولو تسمح تقولي ازاي ؟
لاقيت الناس بيتخانقوا وفي يوم مامشيت والملايين وكن كل البلاد جايين عشان يشوفك اخر مره سامحني علشان مقدرتش اكون بينهم وقفت ساعتها من بره وثبتت رجلي وانا علي الباب ده من صغري ماحبش أفارق الاحباب ومين قال الفراق هين وشوف لما الحبيب يبقي كده طيب كده حنين سامحني حبيبي واعذرني عشان يوم الوداع سبتك ما هنش عليا اشوف بعنيا دي غبتك ده انا ولوقتنا هذا بدمع لما يجبوا سيرتك وببكي عالي سابني وغاب ده من صغري محبش أفارق الاحباب ولا بلقي في وداعي كلام يا اسطوره لايمكن تاني تتكرر غير بعد يمكن مليون عام سامحني علشان في يوم مامشيت مودعتكش ولا قلت بلساني سلام لاقيت في عيوني كام دمعه قوام بتفر جريت علي البيت ساعتها قوام وقولت لنفسي ابويا مامتش ياقلبي اجمد حبيبك نام