فَافْعَلْ بِنَا كُلَّ مَا يَحْسُنُ فِي عَيْنَيْكَ. (قض15:10)

فَافْعَلْ بِنَا كُلَّ مَا يَحْسُنُ فِي عَيْنَيْكَ. (قض15:10)

ما تخليش حد يقنعك ان ده اخرك و ان دي قدراتك و ان ليس في الامكان ابعد مما كان... لان الي جواك محدش يعرفه غيرك و الطموح شجره لو بطلت ترويها هتدبل و تموت ولو اهتميت بيها هتطلع بيك للسما..

ما تخليش حد يفهمك ان الناس كلها بقت وحشه و ان البعد عن الناس غنيمة.. لان ده هيخليك في النهايه لوحدك في الوقت الي هتبقي محتاج فيه لاي انسان ومش هتلاقي.... البني ادم سيره... والسيره مابتتكتبش غير بمعرفه الناس..

ما تخليش حد ينسيك..ينسيك الحلو و الكويس الي جواك.... ويخرج الي مش من طبعك.. ويخليك شبه حاجه وحشه عمرك ما كنت بتتمناه.. ده مع الوقت هيزعلك من و علي نفسك كتير جدا ويبعدك عنها.. ويخليك تمش في طريق ما تتمناش تمشي و لاتخطي فيه..

إياك ان تفتكر إنك لو مشتريتش حاجه دلوقتي هتندم ،،
الكلام ده غلط جدا ،، وليه توابع سيئه على نفسيتك وقلبك

اياك تخلي الدنيا وتقلباتها تنهش في قلبك وتخليك عايش في توتر مستمر وتسمع كلام كتير زي : " يااه ، ده اللي اشترى عربيه من سنتين عدى ،، ده اللي اتجوز بقى من اد كذا ده فلت ،، ده اللي عمل مش عارف ايه ده ربنا كرمه ...

ده كلام اللي ميعرفش ربنا ولا أوصاف وأفعال ربنا ،، ده كلام اللي معندوش يقين في قدرة ربنا ،، لان ربنا عنده كتير وكتير ..

وحتى لما تيجي تفكر ،، افتكر الناس اللي اتجوزت وجرام الدهب ب ٣٠ جنيه وبعدهم اتجوزوا والجرام ب ٦٠٠ جنيه واللي بعدهم ب ٢٠٠٠ جنيه والكل عدى وربنا سترها ..

افتكر انك مفيش حاجه فاتتك في الدنيا وان ربنا عنده كتير وكتير ،،واللي بيروح ربنا بيعوضه واللي بيعدي ربنا بيجيب المناسب بعدها ليك وجدا كمان ،، الفرص لسه جايه كتير ومفيش حد بياخد اكتر من نصيبه بس اسعى ،، و سيب الباقي على ربنا ..