بمناسبة اننا ابتدينا انهاردة نحفظ مع بعض وناخد بركة بأول مزمور من المزامير اللى كلنا حافظينه من صغرنا
عايزاكم تقولولى المزمور دا كبر معاكم ازاى ؟
انتوا وصغيرين كنتوا شايفين معناه ازاى ؟
ودلوقتى ايه اللى لمستوه اكتر فيه؟
وايه المواقف اللى حصلت فى حياتكم فكرتكم بيه وطبقتوها فى سلوكياتكم ؟
متبخلوش علينا بمشاركتكم ♥️✨

كلما صدمني قبحي ابهرني جمالك
وكلما ادركت نقصي اختبرت كمالك
يسوعي 👑
#جنود_الرب

‏ازيك ؟
خليك ديماً فخور بنفسك و بمشوارك مهما كانت خطواتك صغيره ، خليك فخور بقدرتك انك تقع وتقوم تكمل ، خليك فخور إنك لسه بتحاول وتعافر رغم كل الصعوبات اللي بتمر عليك ♥️

اوعي تزعل لو اختيارك طلع غلط
السيد المسيح نفسه اختار ١٢ تلميذ منهم ٣ خذلو ......
"واحد خان ، واحد أنكر ، واحد شك"
يعنى ربع الاختيار كان ضده ووقت الضيق كلهم سابوه وهربوا
ربنا عايز يقولك ويعلمك أن العيب مش ف الاختيار
لانه عمرك ما هتعرف بطون ونوايا الناس مهما كنت حكيم هتنخدع في وشوش الناس

اوعى تزعل لو كله سابك وبقيت وحيد في الشدة اللّه سيكون الأقرب ليك بل سيكون هو الوحيد الذي بقربك 👑🤍

عايزين نتأمل مع بعض فى الآية الأولى واحنا بنحفظ :
"طُوبَى لِلرَّجُلِ الَّذِي لَمْ يَسْلُكْ فِي مَشُورَةِ الأَشْرَارِ، وَفِي طَرِيقِ الْخُطَاةِ لَمْ يَقِفْ، وَفِي مَجْلِسِ الْمُسْتَهْزِئِينَ لَمْ يَجْلِسْ."

طوبى يعنى ايه ؟
طوبى معناها البركة والسعادة لهذا الرجل اللى بيسلك فى حياته كدا
طُوبَى لِلرَّجُلِ وقالها عن عمد بالمفرد لانه ليس صالحًا سوى المسيح وحده.
طب عارفين أن فى تدرج جميل خدنا فيه داود النبى واحدة واحدة ؟ يعنى الاول قال ايه
لا يَسْلُكْ فِي مَشُورَةِ الأَشْرَارِ = يعنى يفكر في طريقهم ويستحسنه ويدى ظهره لربنا وظى طبعا مخاطرة. لان اى حاجه غلط بتعملها فى حياتك بتبدأ بفكرة
لو قاومت الفكرة كسبت لكن لو انساقت وراها هيحصل ايه بعد كدا ؟ تعالوا نشوف داود النبى قال ايه :
وَفِي طَرِيقِ الْخُطَاةِ لَمْ يَقِفْ = لو انساق ورا الفكرة هيبتدى هنا يحصل إستحسان للشر وهيلاقى لذة،
( زى ما حصل مع امنا حواء الحية دخلت الفكرة فى دماغها وفجأة الشجرة احلوت فى عينيها ) فيبدأ الإنسان يجاري الأشرار ويخطئ. ونلاحظ قوله طريق الخطاة،
طب وبعدين يحصل ايه يا معلمنا داوود ؟
وَفِي مَجْلِسِ الْمُسْتَهْزِئِينَ لَمْ يَجْلِسْ = هنا نوصل للاستسلام لطريق الشر، ويتحول الأشرار لرفقاء لهذا الإنسان، والمستهزئين هم من يستهزئون بالأمور المقدسة. هنا استمرار إرادي في الشر .
يعنى من مجرد فكرة شريرة دخلت عقله ولذة شريرة اتملكت من قلبه وصل أنه كل حواسه وإرادته بقت آلات للشر .
شارك معانا واتشجع وقولنا وصلت فى الحفظ لحد فين

الله عنده طرق لا تخطر علي بال إنسان .. سيبه يكلمك و يبهرك بطريقته مش بمحدوديتك ♥️
🪔 تماڤ إيريني

👑 تذكار نياحة تماڤ إيريني 31 أكتوبر 2006