تعرفي يا عدرا اني ..
من زمان وانا نفسي اشوفك
واجي زي الطفل عندك
واحضنك .. والمس كفوفك
وتشيليني فوق ايديكي
راسي فجأه تميل عليكي
تلمسيني بطبطبه
يا جميله .. وطيبه
يا عظيمه .. يا رقيقه
نفسي اشوفك لو دقيقه ..
انتي حلوه ؟!
زي ما اتعودت اشوفك ف الصور
ولا احلي م اللي شوفته ؟!
طب وصوتك هعمل ايه لو يوم سمعته ؟!
طب كلامك ..
طب سكاتك ..
طب ايمانك ..
طب صفاتك
نفسي اكون قاعد قصادك
واسمعك من غير كلام
واما تخلص كل حاجه ..
اجري علي حضنك وانام <3