ساعات بنحس إن كل حاجة مقفلة.. 🖤

عارف الشعور ده؟ لما تصحى وتلاقي نفسك شايل هموم أكبر من طاقتك، وبتفكر في بكرة لدرجة إنك مش ملاحق تعيش النهاردة. الخوف من اللي جاي، القلق على الشغل، على البيت، أو حتى غصّـة جوة قلبك ومحدش حاسس بيها غيرك.

في الأوقات دي، الطبيعي بتاعنا كبشر إننا نتعب ونضعف، وعادي جداً تقول "أنا تعبان".

بس الحلو والـ يطمن بجد، إن ربنا مش مستني منك تكون "سوبر هيرو" طول الوقت.. هو شايف تعبك البشري ده ومقدره جداً.

افتكر الكلمتين دول دايماً: "تكفيك نعمتي، لأن قوتي في الضعف تكمل." لما تلاقي طاقتك خلصت، افتكر إن دي مش النهاية، دي اللحظة اللي بتسيب فيها إيدك عشان هو يتدخل. ربنا مش ناسي صلواتك اللي اتقالت بدموع ونفس مش قادرة تطلع الكلام. هو شغال في حياتك حتى لو أنت مش شايف ده دلوقتي.

خد نفس عميق، ورمي حمولك عليه، وقوله: "يا رب، أنا تعبت.. كمل أنت مكان ضعفي." 🤍

مسائكم كله سلام وخير ورجاء.