#لعريس_واحد الخادم ده آمن بمحبة ربنا وبالعطاء فكان ملتزم ف خدمته وبيهتم بالمحتاجين💓 .. وكان يساعدهم قد ما يقدر من مرتبه .. مش كده بس ده كان ساعات يصرف كل مرتبه عشان يساعد المحتاجين 😮 استمر الخادم ده في الاهتمام بخدمته بتدقيق والتزام لحد ما الكل حبه .. أعماله ومساعداته اللي مش باينة كانت أكتر بكتير من الباينة وكان قلبه كله سلام وفرح كل ما يدي من حياته وأمواله.. مرت السنين وبدأ الشاب ده يكبر ف السن واللي محوشه لأجل أمر زواجه كان قليل جدا .. لكنه ماقلقش واستمر يدي الناس وطلب من ربنا يدبر أمر زواجه .. أعجب ببنت واتمنى انه يتجوزها .. لكنه اتراجع بسبب ضعف إمكانياته .. بس أحباؤه المقربين شجعوه لأنه شخصية محبوبة وقالوا له أن ربنا قادر يدبر احتياجاتك ويمكن مطالب البنت دي وعيلتها محدودة💓 فاتشجع الخادم ده بعد ما اختبر أفكاره ومشاعرة بالصلاة واتثبتت ناحية البنت دي .. فتقدم لها وشعر بتبادل مشاعر منها ناحيته وبلغت أهلها اللي رحبوا بالشخص ده لأجل شخصيته المعروفة 🙌 وبعد كده ناقشوا معاه أمر التدبير المالي للزواج ولقوا إمكانياته أقل بكتير من اللازم 😔 واتوقف الارتباط لحد ما يفكر ويدبر أموره 😢 .. هما قبلوا شخصه لكن إمكانياته المادية متسمحلوش خالص بإنه يتمم زواجه 😞.. رفع صلوات لربنا بإيمان وشاركه في الصلاة أبوه الروحي وأحباؤه لأنه كان مستريح للبنت دي هو وأسرته وكمان هي وأسرتها لكن فاضل الاحتياج المادي .. وفي يوم .. جه الكنيسة حد من ولاد الكنيسة المهاجرين في الخارج .. وقابل الأب الكاهن وقدم له مبلغ كبير من المال وقال له أرجوك توجهه لمساعدة الشباب العاجز عن تدبير احتياجات الزواج .. وطلب من الكاهن أنه ميوزعش المبلغ على عدد من الشباب ويفضلوا في عجز عن تدبير زواجهم لكن .. يدي المبلغ كله #لعريس_واحد .. عشان يقدر يتمم زواجه ..😮😮 مشي المعطي الكريم ده واتجه قلب الأب الكاهن فورا للخادم المعطي ده .. فاتصل بيه وقدم له المبلغ كله اللي قدر بيه أنه يدبر أمر زواجه 🙌.. فكان فرح له وللبنت ولكل الأحباء اللي شافوا عمل ربنا العجيب وعنايته اللي متتحدش .. أخويا الغالي.. أختي الغالية.. ربنا بيحس بيك وبيعرف احتياجاتك وله طرق كتير متخطرش على بال إنسان يقدر بيها أنه يدبر كل احتياجات أولاده .. هو أحن من أي إنسان وهو بيحس بكل أولاده ومش بيسيبهم أبدا .. 💓💓💓 " أعطوا تعطوا، كيلاً جيداً ملبداً مهزوزاً فائضاً يعطون في أحضانكم. لأنه بنفس الكيل الذي به تكيلون يكال لكم". (من بشارة الإنجيل لمعلمنا لوقا البشير ٦ : ٣٨) >>تطبيق قصة كل يوم علي جوجل بلاي