اوعى تشحت ٥ حاجات.. د.مجدى إسحق

١-اوعى تشحت الحب من حد .. ح تجوع اكتر و تتذل اكتر و اكتر ..

٢-اوعى تشحت طلب من حد .. ح يدوخوك و يبيعوا و يشتروا فيك ، او يطلبوا منك اضعاف إللى طلبته..

٣-اوعى تشحت فلوس .. ح تتداين، و تنكسر ، و ح تدفع اضعاف إللى استلفته.. عيش على قد إللى عندك اشرفلك و اكرملك..

٤-اوعى تشحت السماح و الغفران .. تطلبه بأدب و عزة نفس مع تواضع .. اذا اترفضت انسحب و الا ح تبهدل كرامتك عند ناس لا تقدر اتضاعك و اعتذارك..

٥-اوعى تشحت الشهرة أو الكرامة .. ح تتعب و تتعذب و تتذل.. يمكن تشتهر بس ح تخسر احترامك لنفسك و احترام الناس ليك .. خللي الشهرة تجرى وراك ، تعيش كريم النفس عزيز المكانة ..