الخادم المؤثر المثمر مش اللي دارس أكتر ..
مش اللي بيخدم أكتر ..
مش الخادم المتفرغ..
مش اللي معا كلية لاهوت..
مش اللي معاه دكتوراه في اللاهوت..
مش اللي بيعرف يخلي الناس تبكي وهو بيوعظ أو بيصلي..
مش اللي حافظ آيات كتيرة أو حتي الكتاب كله..
مش اللي بيصلي أكتر من الكل..
مش اللي بيبكي وهو بيصلي..
مش اللي بيفسر كلمة الله بشكل مذهل..
مش اللي يمتلك منصب ديني شماس شيخ قسيس رئيس طائفة
مش لازم يكون كل ده أو حاجة من كل ده .. لكن بكل بساطة هو اللي بسببه خسر الجحيم نفوس وربحتهم السماء بدلاً منها.
لما إنحني ليختفي ويظهر يسوع
لما نزل حفر في الكرم ورمي البذار
لما فضل وقدم الكل على نفسه
لما صلي ونسي إحتياجاته ونسي نفسه وإفتكر ملكوت الله
لما منتظرش تكريم وفضل وكرامة من الناس
لما مهتمش بتقييم الناس لكن شاف قيمة في المسيح
لما حياته بقت مثل وإنجيل معاش للكل دون أن ينتبه لذلك.