👇👇

خليك خادم صريح في خدمتك ومع اللي حواليك خدام ومخدومين

ماتجاملش الغلطان لكن تقول رأيك بكل وضوح ومحبة

خلي عندك مبدأ وخطوط واضحة ومعايير مستقيمة تمشي عليها مش علي حسب الموجة هتمشي
اكسب الكل بمحبة ووضوح للمسيح قبل نفسك

السيد المسيح كان واضح وصريح في مواقف كتير وابسطها موقفه مع الكتبة والفريسيين وشوفنا ده في انجيل معلمنا متي البشير اصحاح ٢٣ اصحاح (الويلات)
ماقبلش انه يكون مرائي ليهم

كان واضح وصريح و هدفه محدد في خدمته من البداية للنهاية لكن هما اللي كانت قلوبهم مقفولة ماقبلوش كلامه ولا قبلوه هو شخصيا وباعوه

اوعي الشكليات تخليك تتوه وسط الخدمة

اوعي المشغوليات والمظاهر تتوهك عن هدفك

خليك بشخصيتك الحقيقية المريحة الصريحة المُحِبة

"وَلاَ تَشْتَرِكُوا فِي أَعْمَالِ الظُّلْمَةِ غَيْرِ الْمُثْمِرَةِ بَلْ بِالْحَرِيِّ وَبِّخُوهَا." (أف 5: 11)