ف القداس فيه جملة حلوة اوى بنصليها.. :
أعين الكل تترجاك لأنك.."انت الذي تعطيهم طعامهم في حين حسن"

يعني بيدى أنسب حاجه في أنسب وقت ليهم..

ودي حقيقة.. كتير مننا ومن أبائنا اختبروها..
إن ربنا لما بتثق فيه وتعمل اللي عليك وتسلم..

بيديلك أفضل حاجة تناسبك.. فوق تخيلك كمان..
وفي أفضل وقت مناسب.. حسب حكمته🙏

هو للدرجادي مافيش رصيد ليا
طب ما تسلفني من عندك يمكن أنا طاقتي خلصت
او حتي سلفني من اي رصيد أنا حطيته جوه قلبك
شوفلي حاجه كويسه يمكن استاهل عليها تضحك في وشي
او استاهل عليها تقدملي حاجه غير متوقعه
شوفلي حاجه يمكن استاهلها
طب بص شوفلي موقف يتردلي
اصل في اوقات كنت مستني الاقي خير او الاقي فكره منك تخليني احس اني استاهل افرح
بس عارف مش مهم اه صدقني مش مهم
مش علشان مش عاوز لا
علشان مافرحش وفي الاخر احس فرحه شبه (اليقطينه) بتاعه يونان النبي
لما فرح بيقطينه ضللت عليه وريحته بس يوم واحد وراحت منه
أنا بس طالب من ربنا افرح فرحه مش شبه فرحه اليقطينه
عاوز افرح فرحه أبديه
زي ما هو وعدني
( اراكم فتفرح قلوبكم)

اتشجع واحضر قداس
ربنا عمره ما يرفض خاطىء ♥️✨

••• ساعات ربنا يسيب المشهد ناقص، ونقف حائرين قدام الصورة اللي مش واضحة. نتسائل: “ليه ده حصل؟ وليه دلوقتي؟ وليه بالطريقة دي؟”. بس الحقيقة إن اللوحة لسه مرسومة نصها، ولسه ألوانها ما اكتملتش.

هتعرف حكمته لما المشهد يكمل. لما ييجي وقت ربنا اللي فيه كل حاجة تبان صح، وساعتها هتضحك على دموعك القديمة، وهتشكر على أيامك اللي ما كنتش فاهمها، وهتعرف إن اللي حصل كان ضروري علشان توصّل للنور اللي مستنيك في آخر الطريق.

فـ اصبر شوية، وسيب ربنا يكمل القصة.. هو الكاتب والمخرج، ودايمًا نهاياته أجمل من كل اللي تخيلناه.

كل ضيقة جواها بركة مستخبية … صدّق في قصد ربنا🕊♥

https://whatsapp.com/channel/0029Vb7AZreJpe8ZmGexKZ1E
سلام والنعمة دي قناتي على واتساب الجديد بنعمة ربنا يكون فيه تفاعل صلوا من أجلي

••• الجروح اللي محدش شايفها.. ربنا وحده بيعالجها.
#ماركو_ممدوح

••• بتحاول تكمّل بشطارتك؟ هتتعب.. لأن السر مش فيك، السر إنك تسيب ربنا يمسك الدفة.
#ماركو_ممدوح

- المسيح مقالش للمرأة النازفة: "ايه الدلع اللي انتي فيه ده مانا هتجلد وهتصلب وهنزف للصبح بطلي دلع"
- ومقالش للأعمى: "طيب كويس انك لسه بتسمع وبتتحرك وبتتكلم يا جدع أشكُر ربنا على النعم اللي انت فيها "
- والمفلوج لما قاله : "يا سيد ليس لي أحد"
مقالوش: "وفيها ايه ما انا تلميذي هينكرني و واحد تاني هيبيعني وكلهم هيسيبوني ويهربوا"
- ومقالش للسامرية: "فيها ايه حبة إهانة و عار استحملي عادي ... مانا هشيل عاركم كمان شوية وهتشتم وهتبهدل وهستحمل"

• احترموا دايماً وجع الناس ومتحاولوش تقللوا منه
• ماتحسسوهمش انهم بيتدلعوا و ان اوجاعهم متستاهلش
• ساعدوهم احسن زي ما كان المسيح بيعمل
• مش شرط المساعدة تكون في أفعال ولكن الأهم انك تكون بتسمع وتحس وتحتوي🤍

تشكيل ربنا فيك جايز يكون متعب , لكنه بيجملك ❤️