أحلامنا يا الله مش كلمات بنرميها في السما وخلاص ..
دي وجع اتكتم، وفرحة متأجلة، ودمعة بنتحايل عليها ما تنزلش.
أحلامنا يا رب أمانة عندك..
أمانة في إيدينك اللي عمرها ما خذلت حد لجأ ليها،
في قلبك اللي حافظ تفاصيلنا الصغيرة،
وفي حكمتك اللي بتأجل بس ما بتنساش.

إحنا مش طالبين معجزة من السما ..
إحنا طالبين نظرة رضا تطمن قلبنا،
وإيد تطبطب علينا وتقول: “لسه الحلو جاي”.🙏🏻💕

اللي مستني شغل
واللي مستني طفل
واللي مستني تعزيه
واللي مستني يرجع من الغربه
واللي مستني حب
واللي مستني نجاح
واللي مستني لمسه شفاء
واللي مستني عكاز يتسند عليه
واللي مستني فرصه
واللي مستني رساله او مكالمه هتغير حياته

يا أم النور احميهم من اليأس وخيبه الامل ومن ألم الإنتظار 🥰🙏🏻
فرحيهم يا عدرا♥️

سنكسار 1741 أبيب 15
1 – نياحة القديس مار أفرام السرياني.
اليوم الخامس عشر من شهر أبيب المبارك
1 – في مثل هذا اليوم من سنة 95 للشهداء ( 379م ) تنيَّح القديس مار أفرام السرياني. وُلِدَ هذا القديس سنة 306م في مدينة نصيبين من أبوين مسيحيين، فربياه تربية فاضلة، تتلمذ في شبابه للقديس يعقوب أسقف نصيبين ومكث معه مدة نما فيها في العلم والفضيلة. وكان القديس يعقوب قد اصطحبه في مجمع نيقية المسكوني الأول، وقد تعرض القديس مار أفرام لتجارب كثيرة، فكان مثال الاحتمال والوداعة. ولما استولى الفرس على مدينة نصيبين تركها مار أفرام واستقر في الرها، حيث التحق بعمل متواضع ليعيش منه، وكان يقضى أغلب وقته في القراءة والكتابة وتبشير الوثنيين. وبعد قليل ترك المدينة والتصق بأحد المتوحدين في جبل الرها وعكف في وحدته على ملازمة الصوم والصلاة ودراسة الكتاب المقدس وكتابة التفاسير العميقة لبعض أسفاره. وبناء على رؤيا سمائية نزل إلى مدينة الرها وكان يعظ أهلها ويعلمهم، فأمسكه رؤساء المدينة وأوسعوه ضرباً وإهانة. وعلى إثر ذلك رجع إلى مغارته وكرس نفسه للكتابة، فتجمع حوله كثيرون صار هو لهم أباً ومرشداً. وحدث أنه رأى في خلوته عموداً من نور يصل إلى السماء وسمع صوتاً يقول له كما ترى عمود النور هذا هكذا باسيليوس العظيم. فقام وذهب إلى قيصرية الكبادوك ليراه، وهناك تقابلا ومكث عنده نحو أسبوعين، حيث أراد أن يرسمه قساً فرفض فأعطاه رتبة الشماسية.
زار مار أفرام برية شيهيت الشهيرة برهبانها ومعلميها الحاذقين أمثال الأنبا بيشوي والأنبا يحنس القصير وقضى بينهم حوالي ثماني سنوات (مازال أثره باقياً حتى الآن في برية شيهيت وهو شجرة مار أفرام السرياني الموجودة بدير السريان العامر وهي من نوع التمر هندي، كما يوجد أيضاً جزء من رفاته في أنبوبة القديسين بالدير)، ثم رجع إلى بلاده حيث أصبح من أشهر معلمي الكنيسة السريانية ومن أعظم أدباء السريان وله كتابات وأشعار روحية كثيرة وميامر متعددة.
وفي مغارته بجبل الرها أكمل سعيه الصالح وتنيَّح بسلام سنة 379م.
بركة صلواته فلتكن معنا. آمين.

معلومة جميلة ياريت نعملها كل يوم أجمل حاجة وانت نازل الصبح
وبتصلي ... بعد ما تخلص صلاتك ....
تقول
ياملاك هذا اليوم إصحبني في طريقي ....
.......
طب عارفين مين هو. ملاك اليوم ؟
تعالوا نعرف :
كل يوم له ملاك.
يعني بدايه الاسبوع في الكنيسه هو الأحد...
لانه بيذكرنا بقيامه السيد المسيح
١.... وملاكه هو الملاك ميخائيل مبوق القيامه /
٢...أما يوم الإثنين...
فملاكه هو غبريال ملاك البشاره /
٣....ويوم التلات ملاكه هو روفائيل مفرح القلوب /
٤....ويوم الاربعاء ملاكه سوريال
والاربعه دول بنسميهم الاربعه المنيرين /
٥.... اما يوم الخميس ملاكه صاداكيئل
٦.... والجمعه ملاكه ثراثييل
واخيرا
٧....السبت فملاكه انانييل ؛
وبكده تبقوا عرفتوا ان كل يوم له ملاك
وعلي فكره هم اصلا سبعه روؤساء ملايكه يعني
جامدين اوي
بركتهم تحرسكم من كل شر امين🙏💒🕯

يا سلام لو إنت /إنتِ شايل شيلة تقيلة وحد عرض عليك أنه يشيلها معاك أو يشيلها عنك
يااااااااااه 💪🏻💪🏻
بيكون شئ ممتع جداً ومريح
إيه رأيك في الآية اللي شخص الرب بنفسه فيها بيقدم فيها لينا أنه يحب يشيل معانا الشيلة
مهما كان حجمها او شكلها وتعبها 🫣
تَعَالَوْا إِلَيَّ يَا جَمِيعَ الْمُتْعَبِينَ وَالثَّقِيلِي الأَحْمَالِ، وَأَنَا أُرِيحُكُمْ. (متى ١١: ٢٨)

وأي نوع من الراحة اللي عايز تدهالي يا رب؟
يعني لو عندي مشاكل في الشغل أو إحتياجات مادية أو حيران في أمرٍ ما أو مش عارف آخد قرار في حاجة ينفع يشيل عني الشيلة ويشاركني في قراراتي كمان 🫶
بما إن الرب بنفسه اللي مقدم لينا الدعوة دي فمش هييجي ولا مرة يقولك مش قادر أكمل أو إنه تعب
مهما كان حملك ارميه عليه 🙇‍♂️هوا هيشيله عنك وهيخففه كمان
ارمي حمولك عليه 🫶🏻✌️

هل تعلم أن :-
⁃ يهوذا سمع كل عظات المسيح ، وشاف كل معجزاته مباشرةً .
⁃ يهوذا كان ماسك كل حسابات الخدمة والصندوق كان معاه.
⁃ يهوذا كانت شلته التلاميذ، وقعد ٣ سنين مش بيفارقهم.
⁃ يهوذا شاف يسوع بيشبع آلاف، وبيقوم أموات، وبيمشي علي الميه.
⁃ يهوذا كان بيبشر بالملكوت ،
و يخرج شياطين .
وهل تعلم أن يهوذا بعد كل دا .. سلّم بإيده المسيح للموت.
الخُلاصة..
وجودك في الكنيسة ووسط جو روحي، مش هايحميك.
رؤيتك لمعجزات وحاجات خارقة مش هاتخليك قديس.
مكانك في الخدمة (حتي لو كان كبير) مش هايغيّر قلبك.
صدقني كل دا ولا حاجة، لو ملكش علاقة شخصية معاه..
كل البركات دي هاتفسدك.. لو مخدتهاش منه شخصياً..
وكل المعجزات دي هاتعطلك (مهما كانت مُبهرة)، لو اختفى هو من المشهد.
، وكل الخدمات دي في الآخر هاتصُب في حسابك ذاتك أنت، وهاتبقى بتعبد نفسك بيها.
ولو فضلت كدا كتير..
ماشي مع اللمة..
بتحضر مع إللي بيحضروا..
بتصلي مع إللي بيصلوا..
هاتتفاجئ بنفسك بعد شوية وأنت بتسلّمه، وبتقبض تمن خيانته.
وساعتها بدل ما تترمي عند رجليه زي بطرس، قلبك إللي نشف هايرفض يتوب. وهايبقى الموت عنده أرحم من الاعتراف بغلطته.. لأنه هايكون زي الكتاب ما قال.. "دخله الشيطان".

نصيحة أخيرة..
لاحظ نفسك.. لتكون يهوذا ومخدوع، ومتداري وسط الزحمة.

اجلس مع يسوع مثل نيقوديموس
ادخله إلى بيتك مثل زكا
صمم أكثر أن يدخل إلى بيتك مثل تلميذي عماوس
اغسل قدميه بالدموع مثل الخاطئة
امسح رجليه بالناردين مثل مريم
اخدمه من قلبك مثل مرتا
اعطه شيئآ ليأكل مثل...التلاميذ..
افعل كل ما يأمرك به مثل... الخدام...
اهتف ورنم له مثل ... الملائكة...
بارك اسمه كل حين مثل... داود...
ألقي تيجانك عند قدميه مثل... الشيوخ...
انتظر مجيئه الثاني الرهيب مثل... الكنيسة...
هو ((المستحق)) كل إكرام وسجود وعبادة...
إلى الدهور... آمييين..

بركة الرب يسوع المسيح مع الجميع...

الزحمه جوه الكنيسه .. الستاير السودا والمزامير و الصلبان وليالي البصخه وثوك تي تي جوم اللي بتقولها جوه الكنيسه مش قصاد التليفزيون .. حد الزعف وشكل الأطفال وهما فرحانين ب الزعف والخواتم والتيجان .. وقفة الصلاه اللي مبنحسش بتعبها مهما الوقت طال .. الدكك المليانه ناس كبار وصغيرين .. صحابك اللي بتحضر معاهم البصخه وبعد ما تخلصوا تلفوا علي محلات البلد كلها علشان تنقوا لبس العيد .. طابور الشمامسه وقداس خميس العهد واللقان .. يوم الجمعه العظيمه و الصلاه من اول الفجر ل وقت الغروب و الفطار علي طبق الطعميه و النابت والخل .. سهرة ابو غالمسيس والتسبحه ورؤيا يوحنا وعينيك اللي بتغفل ثواني وتفتح تاني علشان تكمل .. قداس العيد والزفه وتمثيلية القيامه والزغاريط اللي بتسمعها في كل مكان .. يوم العيد الصبح وحفلات مدارس الأحد وترانيم القيامه وعند شق الفجر باكر .. خروجات يوم العيد ولمة الصحاب والحبايب .. يوم شم النسيم الصبح ونسمة الهوا الحلوه ورحلات الكنايس والصور واليوم المليان بهجه وفرحه ..

تفاصيل كانت وحشانا .. وحشتنا بكل ما فيها ♥️