فى قصة الآتون وال٣ فتية بنلاقى إن رغم وجود ربنا مع الفتية إلا إن الآتون مطفاش .. طب ما أنت يارب موجود أهو طفى الآتون بقا وحل المشكلة .. لزمتها ايه يعنى وجود المشكلة ما تنهيها طالما أنت موجود.؟!! الغريب فى القصة إن مثلاً ساعة عبور بنى إسرائيل البحر الأحمر تلاقى ربنا شق البحر واتدخل ونهى المشكلة عادى. طب اشمعنا فى الآتون؟ يمكن النقطة هنا فى القدرة على فعل الشيء. يعنى البحر هل كان ممكن أى حد يشقه؟ أكيد لا. طب الآتون ممكن حد يطفيه؟ أه. .. أومال ايه اللى مش ممكن؟ إنهم يكونوا جواه وميحصلش ليهم حاجة لا وكمان يتمشوا فيه. المهم بقا فى القصة دى نقطة مهمة وهو مش مهم إن فى آتون ولكن المهم هو حضور الله بداخل الآتون. الآتون هنا بيعبر عن موت محقق .. يعنى مش مشكلة سهلة ولا بسيطة ولا حتى مشكلة صعبة يمكن التعايش معاها ولكن فيه موت محقق فورى مع وجود الفتية داخل الآتون .. ولكن هنا ظهر الله. وكان معهم رابع شبيه بابن الآلهة. ونحو الهزيع الرابع من الليل أتاهم ماشيا على الماء. عند الوصول لنقطة الموت المحقق وانعدام الطاقة يظهر الله. ولكن نقطة أخيرة وهو ليه بنتساب لحد النقطة دى؟ الإجابات بتبقى كتير واكترها مستفز اكتر من مريح ولكن الطبيعة البشرية عند وصولها للنقطة دى بتخرج طبيعياً شيء جديد وقوى دايما .. ويمكن يحس بالكلام ده اللى بيلعبوا أى لعبة رياضية .. إنهم مستواهم مش بيتطور إلا لما دايما يعدوا على نقطة زى دى نقطه التعب الغير محتمل. 🤷‍♀️ #MEKAL

أغسلني من الخطايا و الملذات و الشهوات و المديات و من كل حقد أو غيره او فكِر شرير و سوء ظن. أغسلني من فوضى التفكير السلبي و الصفات و الأطباع و العيوب السامه اغسلنى من العالم رجعنى لأصلى انا هنا بتبهدل من غيرك أغسلني من الاضراربات النفسية و الاكتئاب و اليأس و الإحباط و فقدن الشغف و الطاقة.. إدخل " اغْسِلْنِي فَأَبْيَضَّ أَكْثَرَ مِنَ الثَّلْجِ." (مز 51: 7). #MEKAL.

حب مختلف... ♥ كل مبقرا في تكوين ٢٩ ، إصحاح قصة الحب المشهوره ليعقوب وراحيل بحس ان حقيقى ده مستحيل يكون فى حب زيه لكن مع الوقت عيونى فتحت على قصة حب تاني ، حب مختلف ، حب اسمي وأرقي من اي حب سمعت عنه ، حب مابين اثنين ( الله وليئه ) ليئه المكروهه ... ليئه الفقيره في كل مظاهر الجمال والقبول ، ليئه اللي كل حاجه مضلمه في وشها ، ليئه الكبيره بس في السن .. اللي اول يوم في فرحها ، بدل ما عريسها يحضنها ويسرد قدامها وعود الحب والاحتواء ، صرخ في وشها مش انتي اللي بحبها .. ليئه اللي واخده نفسها ( او اللي اتبقي منها ) وبتجري بعيد عن صوت يعقوب وهو بيزعق للابان ( انت ضحكت عليا وجوزتهالي ) مقدرتش تبصله لان حتي عينيها اللي اتملت دموع قال عنهم الكتاب ضَعِيفَتَانِ !! ليئه كماله العدد ، اللي محدش بيتكلم معاها ، هيتكلموا معاها ليه ، لا جمال ولا خفه ظل ولا اي حاجه لكن الله كان ليه نظره مختلفه "وَرَأَى الرَّبُّ أَنَّ لَيْئَةَ مَكْرُوهَةٌ فَفَتَحَ رَحِمَهَا، وَأَمَّا رَاحِيلُ فَكَانَتْ عَاقِرًا." ليئه في نظره مثمره ، ليئه مقبوله ومحبوبه ، ليئه زمانها زمان الحب حب مش من سبع سنين ، حب زمنه بيتعدي زمان عمرها ، ماهي في فكره من قبل ما تتولد رساله لكل ليئه ( نفس ) مكروهه ، انتي محبوبه مثمره ومقبوله بالكامل ، انتي رائعته ، انتي كاملته ... هَا أَنْتِ جَمِيلَةٌ يَا حَبِيبَتِي، هَا أَنْتِ جَمِيلَةٌ. عَيْنَاكِ حَمَامَتَانِ. (نش 1 : 15) ❤🫂 #MEKAL

حقيقه ... الميراث بعيد عن بيت ابوك بينتهي باكله خرنوب. ارجع للعلاقه ، لا الخدمه ولا المواهب هتنفع ...🖤 #MEKAL

إن الحب حسب الكتاب المقدس هو هدف ونهاية ومحور كل وصية.. "وأما غايةُ الوصيةِ فهي المحبة من قلبٍ طاهرٍ، وضميرٍ صالحٍ، وإيمانٍ بلا رياءٍ" (1تى1: 5). كل تعليم للسيد المسيح نقدر نفهمه بمنظور الحب ..بل الإنجيل يتلخص في هذا لِأنَّ اللّٰهَ مَحَبَّة.‏ (١يو ٤: ٨) ♥ #MEKAL

-يا أبتى. 💔 =أتكلم أنا معاك وسامعك -محتاج سلام.. العالم مُتعب =انا هديك سلام. "يرفع الرب وجهه عليم ويمنحك سلاماً" (عدد 26:6)❤🫂 #MEKAL

-يا أبتى. 💔 =أتكلم انا معاك وسامعك -الضلمه فى كل مكان حوليا انا قلبى خايف =انا هحول ضلمتك لنور "لأنك أنت تضئ سراجى. الرب إلهي ينير ظلمتى" (مزمور 28:18). ♥🫂 #MEKAL

"كُلُّ ما هُنا مُتعِبُ، وكُلّ من هُنا مُتعَبُ". 🖤🥀 #MEKAL

كل صلواتك مسموعة، حتى اللي خارجة من قلبك من غير كلام.🥀 #MEKAL

مع الوقت هتشكر ربنا على حاجات كنت فاكرها بتكسرك لكن طلعت كانت بتفتح عينك على حاجات مش شايفها. ❤️‍🩹 #MEKAL