كل واحد فينا بيترجم المواقف على اساس انها صوت من ربنا ربنا موجود معانا فى كل وقت اكيد ولا شك فى كدا لكن ربنا عطالك عقل تفكر بيه وتحكم بيه الامور وتشوف الصالح والغير صالح ليك ماينفعش تلغى السفر لمجرد ان القطر فاتك ويبقى ده صوت من ربنا ، وتقول ماحدش عارف يمكن كان هايحصل ويحصل لا خد القطر اللى بعده وكمل مشوارك ماتوقفش حياتك عشان حضرتك بترجم المواقف من وجهة نظرك خوفنا من اى خطوه جديده فى حياتنا هو اللى بيخلينا نقول كدا حتى المرض بنقول تجربه وانشالله تعدى على خير ربنا ماقلقش تاكل دهون ومقليات وتسيب نفسك لغاية ما وزنك يزيد وفى الاخر تقول تجربه ، لا دى مش تجربه ده اهمال منك ربنا لو عاوز يمشيك يمين وشمال زى ماهو عاوز ماكنش خلقلك مخ تفكر به.. #كيرلس_فتحى