أنا مش ماشي اخبط في الدنيا، ولا حياتي عشوائية أو عبثية، أنا واثق في كل خطوة وكل طريق بيتفتح، وشاكر لكل طريق بيتقفل حتي وانا مش فاهم السبب.. أنا باصص للمستقبل بثقة وقلبي مطّمن.. بس "لأنني عالم بمن آمنت وموقن أنه قادر أن يحفظ وديعتي إلى ذلك اليوم" (٢ تيموثاوس ١)

عايز أدعو.. المؤمنين الأبرار اللي عايشين مع المسيح المتألمين اللي بيعانوا من ظلم الحياة وقسوتها عايز أدعوك.. افرح! لأن القصة ماخلصتش لأن عريسنا جاي تاني وهياخدنا للبيت اللي فيه هنعيش حول العرش الأبيض العظيم في محضر الله، نراه عينًا بعين، وهناك يمسح الله كل دمعة، وهناك يقول لكل واحد فينا نعمًا أيها العبد الصالح الأمين كنت أمينًا في القليل أقيمك على الكثير، ادخل إلى فرح سيدك. يا كنيسة افرحي! يا كنيسة افرحي وسط الألم، يا كنيسة افرحي وسط الشر، يا كنيسة افرحي.. افرحي بإلهك اللي معاكي، اللي متداخل، اللي مش سايبك، اللي معينك، اللي مخلّصك، اللي فاديكي، اللي يحولّ الشر خير، ويُخرِج من الظلمة نور عجيب.. يا كنيسة افرحي! #لأنني_عالم_بمن_آمنت