(٣) لما تيجي الكنيسة اقفل على .. عقلك .. أنه يفكر في المشاكل إللى عندك وكل الأمور العالمية عينيك .. أنها تتجول يمينا وشمالا وتنظر نظرة غير طاهره وتحكم على الناس خلى عقلك وعينيك مشغولين بالمسيح وبس، لا تبص على ابونا ولا علي الشماس غير الملتزم وبيتحرك كثير .. الموبايل .. طالما دخلت الكنيسة أقفل تليفونك لأن المسيح أهم من أى اتصال، وصدقنى كل ما تبقى مشغول بالمسيح جوه الكنيسة هو هيقضى الطلبات إللى بره الكنيسة .. المسيح وبس ... #مفاهيم_تحتاج_إلى_تغيير #abona_Bigol_nagy

(٢) 🎀تعالي الكنيسة مصليا فقط، سامحني ملكش دعوة بالناس لأنك جاى لربنا وبس، مش عمال تنقد فى الناس وتدينهم فلانة لابسة قصير، فلان متخانق مع مراته، فلان أو فلانة مش كويسين، أو الكنيسة مش نظيفة او الآباء فيهم وفيهم والخدام مش شايفين خدمتهم صح و...الخ .. 🎊يبقى سامحني أنت جاى تأخد دينونة مش بركة .. صدقنى هتطلع من الكنيسة زى مادخلت ولا أى استفادة .. 🎁يبقى أنت جاى الكنيسة عشان تصلح نفسك مش الناس، أنت جاى الكنيسة اللى هى مستشفى، فطبيعى كل إللى فى الكنيسة عيانين زيك ومحتاجين يخفوا .. 🧨يبقى تيجي الكنيسة عشان المسيح وبس، وتصلى من أجل كل الناس لكن ملكش دعوة بمين حلو ومين وحش..لأننا مستورين فقط💔💔 #مفاهيم_تحتاج_إلى_تغيير #abona_Bigol_nagy

(١) أوعى تيجي الكنيسة من أجل أبونا فلان او الخادم فلان ... تعالي للمسيح فقط، أوعى تربط مجيئك للكنيسة بأشخاص وإلا هتعثر جدا فيهم مع الوقت لكن لو عينيك بإستمرار على المسيح عمرك ما هتعثر لا فى كهنة ولا خدام بل بالعكس هتستر عليهم ولو لقيت عيب فى حاجه فى الكنيسة هتلاقي نفسك بتصلح بوداعة بدون تجريح .. يبقى تيجي الكنيسة من أجل المسيح فقط ... #مفاهيم_تحتاج_إلى_تغيير #abona_Bigol_nagy