🌙 في نهاية اليوم

📖 الآية:
"سَلِّمْ لِلرَّبِّ طَرِيقَكَ وَٱتَّكِلْ عَلَيْهِ، وَهُوَ يُجْرِي."
(مزمور 37: 5)

✨ تأمل :
الليل وقت نسلم فيه كل حاجة تعبنا بيها طول النهار لإيدين ربنا. هو وحده اللي يقدر يحوّل القلق لسلام، والتعب لراحة. لما نقفل عينينا على حضنه، بننام وإحنا مطمّنين إنه ساهر علينا.

🙏 صلاة:
"يا رب يسوع، بشكرك على نعمتك اللي غطت يومي كله. أنا بسلمك كل اللي مضى: أفكاري، همومي، أخطائي، وتعب قلبي. اغسلني بدمك، واملاني بسلامك. خليني أنام مرتاح في حضنك، وأصحى على يوم جديد معاك. آمين."

✨ تصبحوا على خير، وربنا يملأ ليلكم هدوء وطمأنينة.

يآ مـن لآ نترجـآ سـوآك.. 🤲🥹♥️

حزقيال الاصحاح ٣٧ 📖 انا اندهشت!!❤️⁩

الاصحاح بيحكي ان الله اخد حزقيال في مشوار
ووداه حته مليانة عضم ناس ميته !!
و مش اي عضم الكتاب بيقول "وَإِذَا هِيَ يَابِسَةٌ جِدًّا" يعني ناس ماتت و عضمها نشف من زمان اوي
و سأل الله حزقيال سؤال عظيم و غريب جدا «يَا ابْنَ آدَمَ، أَتَحْيَا هذِهِ الْعِظَامُ؟» .. هل ده منطقي أساساً !!!

بس حزقيال رد قال" انت تعلم" و بعد كده بيطلب الله
ان حزقيال يتنبأ علي العضم و بيحكي ان العضم ده اتكسي عصب و لحم و جلد و روح
و يقول الكتاب "وَقَامُوا عَلَى أَقدَامِهِمْ جَيْشٌ عَظيمٌ جِدًّا جِدًّا"

بقي دول يبقو جيش !! و عظيم كمان !!

و بعد كده الله بيتكلم علي شعبه و يقول لحزقيال :
هَا هُمْ يَقُولُونَ: يَبِسَتْ عِظَامُنَا وَهَلَكَ رَجَاؤُنَا. قَدِ انْقَطَعْنَا. و يقول لحزقيال قولهم "وأَجْعَلُ رُوحِي فِيكُمْ فتَحْيَوْنَ "

الله قادر انه يحينا من تاني بروحه، حتى لو عضمنا يابس😊
فنحن نؤمن بإله المستحيل⁦❤️⁩