أريحوا رؤوسكم المُثقلة على وسائد الرجاء وإطمئنوا الله لا ينام ❤️
(ابونا مينا عبود)

اي رايكم في عمل صفحة او جرويب بنتلكم فيها عن المواضيع التشكيكية وندخل فيها المسيحين اللي ممكن يكون عندهم تشكك في الايمان ويتحاوروا مع مسيحيين خبراء فعلا ؟؟

كم انت عظيم يا ابي 🤍🫂

كل ما يجاهد من اجل العفة يكون له عند الله دالة عظيمة
(القديس الانبا دانيال) 🥰❤

حتى في دموعك وضعفك، هو جنبك ماسكك ومش هيسيبك. ✨

*"الأهم من المبدأ… الثبات على المبدأ"*

جملة شعبية سمعناها كتير،
وكتير مننا تجاهلها أو ما فهمهاش بالمعنى الحقيقي.

لكن الحقيقة يا صديقي، الجملة دي ممكن تغيّر مستقبلك. طب إزاي؟

خليني الأول أرد عليك بمقولة شبيهة للمؤرخ اليوناني *بلوتارخ*:
*"من لا يثبت على شيء، يسقط في أي شيء."*

يعني إيه؟
يعني الإنسان اللي مش قادر يثبت على حاجة (زي مبدأ معين مثلًا)،
زي إنه ما يقدرش يمنع نفسه عن الإدمان بأنواعه (سجاير، شهوات، كسل، ...إلخ)،
هيبقى دايمًا ضايع، وقراراته هتكون مش نابعة من عقل… بل من ضعف.

لأن ببساطة: *ما عندوش مبدأ.*

وأوقات كتير، الثبات على المبدأ بيقودك لحاجة أعظم:
*التحكم في النفس*.
وده بدوره بيوصلك للهدوء، ومنه للتفكير العميق، ومنه للنضج،
وتدخل دايرة اسمها "عالم الإدراك" 💫

عزيزي القارئ… افهم نفسك.
وعارف إنك بتقول دلوقتي: "ماشي يا عم، هخلي عندي مبدأ، اتفقنا ؟😂"

بس استنى…
*الموضوع مش في وجود المبدأ…
الموضوع في الثبااااات عليه.*

**مشكلتنا مش إن الناس معندهاش مبادئ،
المشكلة إن المبادئ بتقع أول ما تتعرض لاختبار.**

✨ *افتكر دايمًا…*
مش اللي عنده مبدأ هو الأفضل،
*اللي ثابت عليه هو اللي فعلاً بيصنع الفرق.*
وفي الآخر… *نصيحة تهمك:*
**الأفضلية مش إنك تعرف الصح،
الأفضلية إنك تفضل واقف عليه.**
*معًا للأفضلية. ✅*✨

✝صوت ربنا ليك النهارده ✝

"لأَنِّي أَنَا الرَّبُّ إِلهُكَ الْمُمْسِكُ بِيَمِينِكَ، الْقَائِلُ لَكَ: لاَ تَخَفْ. أَنَا أُعِينُكَ".( إش13:41)

متخافش من إللي جاي لأن ربنا حاطط ليك خطة أعظم من تفكيرك
ماتخافش من اللي جاي لأن هو بيحبك ومدبرلك الصالح .
ماتخافش لأن هو دايما ماسك إيدك وسندك وشايفك ومايقدرش يستغني عنك ولا يتركك لا تخف.
اتطمن...💖🙏💖

ربنا مش هيكسر حد ربنا مش بيسيب ولاده خالص مفيش اب بينسا ابنو اتاكد انو هيفرحك قريب اطمن يوسف حلم ان خرج من السجن صبح لقي الحلم تحقق انتي اقف قدامه وقولوا حلمي ومستقبلي بين ايدك يارب ❤❤

خليكى غالية فى عينه

"يعني ايه علشان بيحب بنت يستناها 7 سنين؟"
لأ مش بس يستنی ده يشتغل 7 سنين تانى يعنى 14 سنة ويكون الهدف من الشغل مش فلوس ولا مستقبل ولا انه يكبر في المكان اللي بيشتغل فيه أو يبقی معروف..
"هدفه من الشغل انه يتجوز اللي بيحبها"
أكيد مش هيطحن نفسه سبع سنين علشان معجب بشكل راحيل،
سبع سنين يعني أكيد شكلها وشخصيتها وحياتها بيتغيروا،
بس يعقوب قرر يحبها محبة ثابتة ..
"وأحب يعقوب راحيل"
طيب ازاي مشاعره مش بتتغير ...!
هي مين راحيل ..؟!
هي للدرجة دي غالية عند يعقوب؟ يشتغل سبع سنين علشان تبقی مراته في يوم من الأيام ..
طب ما في بنات كتير بأشكال وشخصيات أحلی ..
"فخدم يعقوب براحيل سبع سنين، وكانت في عينيه كأيام قليلة بسبب محبته لها"
سبع سنين في عينه أيام قليلة !!!!! ..... "أصله بيحبها"
الفكرة مش في راحيل، الفكرة في محبة يعقوب..
نوع محبتهم لبعض خلت راحيل تستنی يعقوب وهو يتعب علشانها وبعد ما يوصلها يكمل سبع سنين تانيين علشان محبته لسة مكملة وبتكبر وبتزيد مش بتقل، 14 سنة
* المحبة الحقيقية عمرها ما بتتغير
* المحبة قرار وإصرار، عمرها ما كانت حبة مشاعر حلوين
* المحبة فيها تضحية ومثابرة
* المحبه لا تسقط ابداً
* الله محبه ❤️❤️❤️