*"الأهم من المبدأ… الثبات على المبدأ"*

جملة شعبية سمعناها كتير،
وكتير مننا تجاهلها أو ما فهمهاش بالمعنى الحقيقي.

لكن الحقيقة يا صديقي، الجملة دي ممكن تغيّر مستقبلك. طب إزاي؟

خليني الأول أرد عليك بمقولة شبيهة للمؤرخ اليوناني *بلوتارخ*:
*"من لا يثبت على شيء، يسقط في أي شيء."*

يعني إيه؟
يعني الإنسان اللي مش قادر يثبت على حاجة (زي مبدأ معين مثلًا)،
زي إنه ما يقدرش يمنع نفسه عن الإدمان بأنواعه (سجاير، شهوات، كسل، ...إلخ)،
هيبقى دايمًا ضايع، وقراراته هتكون مش نابعة من عقل… بل من ضعف.

لأن ببساطة: *ما عندوش مبدأ.*

وأوقات كتير، الثبات على المبدأ بيقودك لحاجة أعظم:
*التحكم في النفس*.
وده بدوره بيوصلك للهدوء، ومنه للتفكير العميق، ومنه للنضج،
وتدخل دايرة اسمها "عالم الإدراك" 💫

عزيزي القارئ… افهم نفسك.
وعارف إنك بتقول دلوقتي: "ماشي يا عم، هخلي عندي مبدأ، اتفقنا ؟😂"

بس استنى…
*الموضوع مش في وجود المبدأ…
الموضوع في الثبااااات عليه.*

**مشكلتنا مش إن الناس معندهاش مبادئ،
المشكلة إن المبادئ بتقع أول ما تتعرض لاختبار.**

✨ *افتكر دايمًا…*
مش اللي عنده مبدأ هو الأفضل،
*اللي ثابت عليه هو اللي فعلاً بيصنع الفرق.*
وفي الآخر… *نصيحة تهمك:*
**الأفضلية مش إنك تعرف الصح،
الأفضلية إنك تفضل واقف عليه.**
*معًا للأفضلية. ✅*✨

تقريباا ولا مره لومت فيها الناس ديماا بلوم نفسي ع اختياراتي الغلط بلوم نفسي ع كل حاجه وحشه ف حياتي وبتحمل مسؤليتها

حتي الناس الي بتمشي من حياتي دا حقها سواء حابه تفضل او لا بس كل ما يحصل الموقف دا بقول جوايا ما انا لو كنت كويس وشخص يتحب مكنش حد بعد عني

حتي وانا متأكد أنهم مش خير ليا ولسه هقابل ناس احسن بس برضو الصوت دا بيفضل جوايا علطول ..🖤!

خلي دايمًا قلبك نظيف، ونيّتك صافية... ربنا بيشوف اللي جوه مش اللي بره ❤️

"بعض الناس لازم تسيبها مُنبهرة بيك" ✨
لأن قلة التقدير أهم أسباب انهيار العلاقات

"انت ممكن تقابل حد مُنبهر بيك وبيحاول يوصلك وشايفك بعيد وصعب، فأول ما تميل له وتفتح الباب، تشاركه، وتعامله كشخص مقرب منك، هو يبدأ يشوفك إنك عادي مش إنسان خارق للطبيعة يعني ولا حاجة، زيك زي أي حد، انت بس مُبدع في حتة معينة في شغلك لا أكثر ولا أقل، بس في تعاملاتك وحياتك اليومية انت شخص عادي وطبيعي"..

وفي اللحظة دي بتكتشف إنك كان لازم تسيب الأشخاص دي تفضل تتفرج عليك من بعيد، وتفضل مُنبهرة بيك وماتتعاملش معاهم ابدًا بتلقائيتك وعفويتك، لأن مش كل الناس تستحق تشوفك على طبيعتك".

النجاح مش صدفة… ده نتيجة اختيارك تكمّل حتى لما الكل يوقف. 🚀

ما تعيشش حياتك على مزاج الناس، لأنهم عمرهم ما هيرضوا كلهم، ولو فضلت تجري ورا رضاهم هتنسى نفسك. خليك أنت، بس النسخة اللي بتحترم نفسها وبتشتغل على تطويرها. اللي بيحبك هيحبك على حالك، واللي مش عاجبه؟ مش مشكلتك.

وما تخليش حد يقلل منك، حتى لو بكلمة صغيرة. اللي بيحاول يصغّرك، غالبًا بيحاول يعوض نقص جواه. خليك واثق، بس من غير غرور. اشتغل على نفسك، وامشي في سكتك، واللي ليك هيجيلك.