في جزء في اخر المجمع مش بناخد بالنا منها اوي لأنها بتبقي في اخر المجمع خالص (انقذنا من أجل اسمك القدوس الذي دعي علينا) قد ايه الجمله دي جميلة اوي احنا بنقول لربنا احنا دعينا علي اسمك فانقذنا من كل شر ومن كل سوء و من كل حاجة ممكن تضايقنا يعني اول وقت دعينا فيه علي اسمه كان في أنطاكية كام اسمنا في الاول التلاميذ أو المختارين بس وقتها كان أول مرة دعينا مسيحين كانت بتتقال الاول على انها اضطهاد او كده لان اللي طلعها علينا الانطاكيون و دول اصلا مش مسيحيين بس احنا فعلا فرحنا بالكلمة لأننا ولاد المسيح بجد و احنا علي اسمه وهو بيعتبرنا ولاده بجد و بيحبنا وبيخاف علينا (لا اعود اسميكم عبيدا لأن العبد لا يعلم ما يعمل سيده لكني سميتكم احباء لاني اعلمتكم بكل ما سمعته من أبي) هو معدش بيعتبرنا عبيد بقي بيعتبرنا ابنائه و احبائه مهو لو كنا بالنسباله عبيد كان هيظهرلنا مشيئته ليه ده السيد مش بيحب العبد يعرف حاجه عن تحركاته او اي حاجه عنده و السيد مش بيحب عبده يلبس شبهه أو يبقي في اي حاجه فيها شبهه السيد المسيح خلقنا علي صورته و مثاله خلانا كشبهه و كمان سمح أننا ندعي علي اسمه ونيجي بقى لنقطه تانيه يعني هو احنا خلاص عرفنا احنا ولاد الله وهو بيحبنا ومعدش بيعتبرنا عبيد لان لو كان بيعتبرنا عبيد مكنش هيسمح أننا نبقي مدعين علي اسمه احنا بقي دورنا ايه دورنا أننا نشهد له بجد في فعلنا قبل كلامنا مهو احنا مسيحيين ومؤمنين أن المسيح ابن الله فل اوي اعمالك فين بقي فين اعمالك اللي تدل ان انت مسيحي بجد فين محبتك لإخواتك فين تسامحك و غفرانك للي اذوك احنا بنقول في القداس بموتك يارب نبشر و بقيامتك نعترف معترفين بقيامته بس بنبشر بالموت بنبشر بحب ربنا لينا و قد ايه هو حبنا و نزل من سماء مجده ليشبهنا في كل شئ ماعدا الخطية وحدها بنبشر بفعلنا بنبشر بمحبتنا لغيرنا و غفراننا للي في وقت ضايقونا (أحبوا اعدائكم باركوا لاعينيكم أحسنوا إلي مبغضيكم و صلوا لأجل و صلوا لأجل الذين يسيئون إليكم و يطرودونكم) يمكن المحبه هي اكتر حاجه ممكن نشهد لربنا بيها ربنا لما جه يتقال عنه اكثر صفه شملت كل صفات ربنا اللي هي فعلا ما تخطرش على بالنا اللي هي صفات ربنا و صفات ربنا مطلقة هي كلمه الله محبة ولو جه كلام يعني من المحبه الكلام مش هيخلص لان هي المحبه شامله كل الصفات الكويسة اللي ممكن تتجمع في انسان او شخص الله بس في شخص الله بتبقي الصفة مطلقة يعني شوفوا قد ايه كلمه بسيطه زي دي دي بتتقل في القداس وتعدي مبناخدش بالنا منها قد ايه معناها حلو وبتلزمنا بحاجات وبرده في كلام كتير اوي في القداس لو فكرنا فيه بجد هنلاقي له معاني كبيره جدا القداس فعلا عطيه من ربنا يعني لولا القدس الواحد ما كانش هيقدر يقاوم الحياه ومشاكلها

سلام و نعمة
انا بنت عندي ١٦ سنة بتحب كتابة الموضوعات الدينية و الصلوات و اتمني كتاباتي تعجبكم.. صلواتكم من أجل ضعفي🥰💖