كبر دماغك عن التفاهات…
مش ضعف، ده ذكاء.

مش كل كلمة تترد، ومش كل موقف يستاهل رد فعل، ومش كل حد يستاهل ياخد من وقتك وطاقة تفكيرك. في ناس بتعيش على الاستفزاز، وفي مواقف لو دخلتها تخسر هدوءك من غير أي مكسب. عشان كده، كبر دماغك عن التفاهات.

لما تسيب حاجة تافهة تعدي، إنت مش بتنهزم، إنت بتكسب نفسك. بتكسب هدوءك، ووقتك، وتركيزك على اللي ينفعك بجد. اللي بيجري ورا كل مشكلة صغيرة عمره ما يوصل، لكن اللي عارف إمتى يتجاهل هو اللي بيكمل الطريق ثابت.

كبر دماغك عن كلام الناس اللي مش هيضيف لك حاجة، وعن نقاشات مالهاش نهاية، وعن مشاكل معمولة مخصوص عشان تجرّك وراها. خليك أذكى من إنك تضيع عمرك في معارك فارغة.

في الآخر، مش كل حاجة تستاهل تتاخد على أعصابك، ولا كل استفزاز لازم يرد عليه.
نصيحة مني ليك: ركّز في الكبير، وسيب الصغير يعدّي… لأن راحة بالك أغلى من أي تفاهة.

الاعتذار مش ضعف، الاعتذار قوة.
القوي بجد مش اللي يغلط ويكابر، القوي هو اللي يعترف بغلطه ويصلحه.
كلمة “أنا آسف” مش بتقلل منك، بالعكس بترفعك في نظر نفسك وفي نظر الناس.

لما تغلط وتسكت، الغلط بيكبر، والزعل يكبر، والمسافة بينك وبين اللي قدامك تزيد.
لكن لما تعتذر، أنت بتقفل باب الخلاف، وبتفتح باب راحة وهدوء.
الاعتذار بيحافظ على العلاقات، بيحمي القلوب من القسوة، وبيخلّي الدنيا أبسط.

في ناس بتخاف تعتذر علشان شايفة إن الاعتذار هزيمة،
بس الحقيقة إن الكِبر هو الهزيمة الحقيقية.
إنك تعتذر يعني إنك إنسان واعي، محترم، وعارف قيمة اللي قدامك.

مش كل الناس هتسامح، بس أنت كده عملت اللي عليك،
وسِبت أثر طيب، وارتحت من تأنيب الضمير.

نصيحة مني ليك:
لو غلطت، ما تستناش الغلط يكبر… اعتذر بدري، لأن الكلمة الصادقة بتصلّح اللي ما يصلّحوش ألف مبرر. 💙

*"حب نفسك... واعرف قيمتك"*

يا صاحبي، قبل ما تدور على رضا الناس، اسأل نفسك: "أنا راضي عن نفسي؟"
المشكلة إننا ساعات بننسى قيمتنا، وبنسمح لكلمة من حد تهزنا... مع إن اللي اتقال مش بيعبر عننا، بيعبر عن اللي قاله.

حب نفسك مش غرور... ده أمان.
لما تحب نفسك، هتعرف تقول لأ للحاجة اللي تكسرك، وهتقول آه للحاجة اللي تبنيك.
مش كل نقد نصيحة، ومش كل تريقة هزار.
في حاجات بتوجع، بس وجعها مش دليل إنك غلط... ده دليل إنك حساس، وده مش عيب.

افهم إنك مش أقل من حد، ومش لازم تبقى نسخة من حد،
*إنت الأصل... وربنا خلقك مميز.*
اختار تبني نفسك مش تهدمها بكلامهم.
اختار تبص لقدام... مش ورا.

*وآخر حاجة:* متخليش حد يقلل منك... حتى لو كان قريب.
*اعرف قيمتك... وهتشوف الحياة بشكل تاني.* 🌟

مع الوقت هتفهم إن القوة مش دايمًا في الرد… ساعات قوتك كلها في سكوتك.

اللي مستعجل عليك… سيبه يعدّي.
واللي عايز يبان أحسن منك… سيبه يتعب نفسه.
واللي بيقعد يحكي ويزوّد قصص… سيبه يعيش الدور.
واللي كل شوية يقول "أنا اللي عملت"… سيبه يفرح بصوته.
واللي بيجيب في سيرتك… سيبه يدوّر على حد غيرك يهتم.

طالما انت واقف ثابت وعارف قيمتك… خليك هادي.
متمسّك بهدوءك، وواقف على رجليك…
السكوت ساعات بيقول عنك أكتر من ألف كلمة.
لو متفق مع الكلام حط ايموجي،
#نصيحة مني ليك

بطل تبص على غيرك!
كل شوية: شوف عمل إيه؟ نجح إزاي؟ جاب منين؟
طب وانت؟ عملت إيه غير إنك بتتكلم؟!
الناس بتجتهد، تتعب، تسهر، تضحي…
وإنت قاعد تحلل وتحقّد وتحكم!

نجاح غيرك مش تقليل منك،
بس فشلك في التركيز على نفسك هو الكارثة الحقيقية.
اللي انت شايفه نجاح "سهل"، وراه مجهود انت ما شفتوش…
ولا هتشوفه، طول ما انت مشغول تبص وتتعقد.

*ركز على مستقبلك، مش على حياة الناس.*
الطموح مش كلام… الطموح فعل.
فوق لنفسك، وابدأ شُغلك…
قبل ما العمر يعدّي وانت لسه بتراقب!

📌...لو ابتديت مشوار إنك "تبرر" للناس أفعالك؛ عمرك ما هتبطله.. لو ابتديت مشوار إنك تمنع نفسك من حاجات خوفًا من "كلام" الناس؛ مع الوقت هتوّقف كل حاجة.. لو ابتديت سكة إنك تكسب ثقتك في نفسك من "رأي" الناس فيك؛ هتخسر كل ثقتك.

*"الأهم من المبدأ… الثبات على المبدأ"*

جملة شعبية سمعناها كتير،
وكتير مننا تجاهلها أو ما فهمهاش بالمعنى الحقيقي.

لكن الحقيقة يا صديقي، الجملة دي ممكن تغيّر مستقبلك. طب إزاي؟

خليني الأول أرد عليك بمقولة شبيهة للمؤرخ اليوناني *بلوتارخ*:
*"من لا يثبت على شيء، يسقط في أي شيء."*

يعني إيه؟
يعني الإنسان اللي مش قادر يثبت على حاجة (زي مبدأ معين مثلًا)،
زي إنه ما يقدرش يمنع نفسه عن الإدمان بأنواعه (سجاير، شهوات، كسل، ...إلخ)،
هيبقى دايمًا ضايع، وقراراته هتكون مش نابعة من عقل… بل من ضعف.

لأن ببساطة: *ما عندوش مبدأ.*

وأوقات كتير، الثبات على المبدأ بيقودك لحاجة أعظم:
*التحكم في النفس*.
وده بدوره بيوصلك للهدوء، ومنه للتفكير العميق، ومنه للنضج،
وتدخل دايرة اسمها "عالم الإدراك" 💫

عزيزي القارئ… افهم نفسك.
وعارف إنك بتقول دلوقتي: "ماشي يا عم، هخلي عندي مبدأ، اتفقنا ؟😂"

بس استنى…
*الموضوع مش في وجود المبدأ…
الموضوع في الثبااااات عليه.*

**مشكلتنا مش إن الناس معندهاش مبادئ،
المشكلة إن المبادئ بتقع أول ما تتعرض لاختبار.**

✨ *افتكر دايمًا…*
مش اللي عنده مبدأ هو الأفضل،
*اللي ثابت عليه هو اللي فعلاً بيصنع الفرق.*
وفي الآخر… *نصيحة تهمك:*
**الأفضلية مش إنك تعرف الصح،
الأفضلية إنك تفضل واقف عليه.**
*معًا للأفضلية. ✅*✨

تقريباا ولا مره لومت فيها الناس ديماا بلوم نفسي ع اختياراتي الغلط بلوم نفسي ع كل حاجه وحشه ف حياتي وبتحمل مسؤليتها

حتي الناس الي بتمشي من حياتي دا حقها سواء حابه تفضل او لا بس كل ما يحصل الموقف دا بقول جوايا ما انا لو كنت كويس وشخص يتحب مكنش حد بعد عني

حتي وانا متأكد أنهم مش خير ليا ولسه هقابل ناس احسن بس برضو الصوت دا بيفضل جوايا علطول ..🖤!