زمان سمعت عظة لاب كاهن اثرت فيا اوي ولحد النهارده بفتكرها ف كل عيد للعدرا ❤ العظة كانت بتكلم ان مافيش حد مرتاح ف حياته وناس كتير تروح تشكي لربنا انهم فعلا مش مرتاحين ف حياتهم ولا عمرهم ارتاحوا ابونا ساعتها معملش اللي بيعمله معظم الناس مش الكهنه وبس انه يقول مسكنات او ان حياتنا كلها تجارب ومن يحبه الرب يؤدبه و........و.. إلخ لكن اتأمل ف حاجة قاله بص لحياة الست العدرا مكنش فيها يوم عدل 😔 من صغرها خدامه لما وعيت وبقيت يدوب بتعرف تمشي وتكلم ٣ سنين يا ناس راحت الهيكل❤ لما بقت بنت ف سن المراهقة جالها ملاك قالها انها هتبقي حامل من غير جواز .. واطاعت ولك ان تتخيل النظرات لبنت معروف انها مش متجوزة لما بطنها تبقي قدامها مترين وماشية قصاد الناس💔 ..... دايما نقولها حملتي بغير مضاجعه واحنا بنقول مش بنتخيل ربع الاحساس اللي البنت دي كانت فيه...💔ماهم مكانوش بيكرموها زي ما حضرتك بتكرمها دلوقتي ولا كانوا عارفين انها ام الاله كانوا باصين بس انها بنت مش كويسة.. طب ماشي يارب هستحمل مانا هبقي ام الاله بقي اكيد هولد ف حته نضيفة... ولدت ف مزود بقر مكان العلف بتاع الحيوانات حطت ابنها💔 ف عز البرد والسقعه وكل مظاهر اللا إنسانية💔 طب مش مهم يارب هتكبر بقي وهيبقوا عارفين ان ام المخلص وخلاص بقي اشتغل نجار لما كبر وبقت ام لمجرد نجار برضو ف نظرهم كانوا غلابة السيد المسيح لم يكن له اين يسند راسه ... بعدها ابنها اتقبض عليه ف محاكمة ظالمة ف نصاص الليالي اتمرمطت وراه من هنا لهنا ... وده يتف ف وشه وده يسبه وده يضربه لحد ما اتقطع قدامها بأصعب انواع الكرابيج...💔وبردو مكانتش قادرة تقول حتي أه ... لحد ما ابنها وصل للمرحلة الاكثرصعوبة وهي الصلب ... ايدين ورجلين ابنها بتتخرم بالمسامير قدام عينيها بيحطوا الخل ع بؤه لما يعطش دي الست من دول مبتستحملش الهوا ع ابنها لو ميس او تاسوني بس زعقوا فيه.... حتي بعد ما اسلم الروح ع الصليب ابتدت مرحلةجديدة من الكسوف وهي انها قعدت ف بيت تلميذه يوحنا التلميذ الذي كان يسوع يحبه😍 يوحنا جميل وع راسنا بس الكتاب ذكر انه اخذها الي خاصته معني كدا انها ممكن تكون كانت قاعده مع قرايب يوحنا متخيلين الاحراج طب يارب سيبلها بيت تقعد فيه لا هي هتقعد عند يوحنا❤ هو كان عارف انها بنت جدعه من اول يوم واتعامل ع الاساس ده ف كل مراحل حياتها والعدرا كانت ست بمليون راجل😍 فاللي مشافش يوم عدل احب اقولك واقول لنفسي قبلك احنا معيشناش يوم من ايامها .. ولا شوفنا القسوة ومرارة الايام اللي بجد ... احنا اه مش العدرا لكن ممكن نبقي زيها😍😇 اشفعي فينا ياام المخلص فرحينا ياست البنات😍 #الكنيسة_الأرثوذكسية

"اتشعبطي في ربنا وانتي متضايقه ،،💔 وانتي على آخرك ،، وانتي الموج بيحدفك يمين وشمال ،،😑 وانتي مش لاقيه ارض صلبه تقفي عليها ،،😶 وانتي مش شايفه نهاية للى انتي فيه ،، 🙄 وانتي مش لاقيه تعزية من اقرب الناس ليكي ،،😢 وانتي ضعيفه ومطلوب منك تكوني قويه ،، "💔 لو بصيتي لتحت هتشوفي عمق المشكله وهتغرقي ،، لو بصيتي حواليكي هتلاقي أمواج عالية بتاخد كل حاجه في وشها وبرضو هتغرقي ،، اوقات بيبقي عاوزنا نمشي معاه ،، وراه ،، على نفس خطاه ،، بيبقي قدامك بس انتي مش عارفه تشوفيه ،، مش الحل انك تعزى نفسك او تصبريها او تطمنيها ،، كل ده يخصه هو ،، انتي كل اللى عليكي بس انك تتشعبطي فيه وتسيبيله نفسك والباقي كله لان ،، "الواحد لو ما اتشعبطش في ربنا ،، يضيع"😭 ربنا بتاع الحاجات المستحيله .. ♥️♥️ الحلول الغير منطقيه🤔 .. في وقت تعبك هيحل مشاكلك بطريقه لا يمكن تتخيليها 🙏❤️.. *تقوليله يارب قدامي بحر ؟! يقولك هيتشق .. *تقوليله انا ف الصحرا لوحدي .. يقولك هبعتلك أكل مع غراب *تقوليله اخواتي رموني ف البير .. يقولك هخليكي وزيرة .. 👑 *تقوليله جليات واقف قدامي .. يقولك نهايته علي ايدك بنبله وشوية طوب.. *تقوليله حياتي بقالها سنين في جفاف .. يقولك شاوري للسحاب هيمطر .. 🌧️ *تقوليله مش معايا غير 5 خبزات وسمكتين .. يقولك هيكفي وهيفيض .. *تقوليله مش عارفه اصطاد وسهرت الليل ع الفاضي .. يقولك الخير هيغرق حياتك وهتمشي معايا علي الميه .. 😍. *تقوليله انا علي أدي .. يقولك لا تخافي انا معك .. *تقوليله مطلوب مني ايه .. يقولك امني فقط ..👍🙏 *تقوليله انا ضعيفه .. يقولك ليقل الضعيف بطل انا ..💪🙏 (( طول ما انتي ف حضن ربنا مفيش حاجه هتكسرك ) 💪❤️❤️🙏 انتي بنتي ❤بنت الملك👑

جوزك بيرجع تعبان جوزك بيرجع زهقان جوزك بيرجع مطحون جوزك بيرجع شايل هم بكره مش بيعرف ينام جوزك لو رجع ونام بينام ودماغه صاحيه وشايله هم بكره جوزك ممكن ف يوم مايرجعش جوزك ممكن فيوم ينام ميصحاش جوزك سندك بعد ربنا جوزك ممكن تشوفيه بعين تانيه العين اللي هو عايش بيها العين اللي كلها تعب وشقا وعرق ومجهود ومناهده وكفاح ومرمطه وايدين شاقيانه علشان اديكي تكون ناعمه علشان اولادك يكونو مبسوطين جوزك ممكن يدخل عليكم ف ايده طلباتكم مش مستني غير تاخدي من ايده اللي شايله بابتسامه هو كده بالنسباله تعب اليوم كله راح من الابتسامه جوزك ممكن يدخل البيت ملهوش اي طلبات غير الجزء الصغير من البيت اللي هو واقف سانده بضهره وبتعبه وبشقاه وبصحته وبعمره مش عايز غير حته ينام فيها علشان ينزل يكمل تاني يوم جوزك سترك جوزك غيابه عنك هو غياب روحك تخيلي ثانيه انه رجع ايده فاضيه فطلبتي وقال مفيش ساعتها هو اخد مليون سكينه فقلبه وف كرامته تخيلي اولادك قالو محتاجين شئ هو مش قادر عليه تخيلي احساس الكسره ف قلبه ايه جوزك مربوط ف الدنيا لتلبيه طلباتكم ممكن يرجع جايب لكم اللي بتشتهوه وهو مااكلش شئ وهينزل تاني يوم ومش هيدوق شي من اللي جابه من تعبه وشقاه المهم ان طلباتكم حضرت وانكم مبسوطين ابوس ايدين معاليكي اضحكي ف وشه متكونيش هم علي همومه علشان يقدر يعافر علي همومه هي دي الست السند #تخيلي انه مجاش #تخيلي انه مصحاش تخيليها دقيقه وشوفي سقف الستر اللي هيتشال يساوي كام هاينام زعلان فى مره مش هيصحي هاينزل شايل الهم فى مره مش هيرجع هايتعصب في مره يجراله حاجه صدقيني محدش هيخاف عليكي وعلي بيتك واولادك ولا يهتم ولا يجيب طلباتكم غيره .. اياكي تكوني هم علي همه الايام دلوقت صعبه كوني سند ومتكونيش شوكه في ظهره اللي بيتكسر كل يوم علشانكم 😥